Pro hapjes, por me një kusht!

Prof.Dr.Arben Beqiri*

Javën e parë të hapjes pas karantinës bëra këtë koment me miqtë e mi të cilët më pyesnin mbi ecurinë e pandemisë. Mendoj se komenti është aktual edhe sot.

Duket se qeveria i referohet vetëm numrit të vdekjeve me covid dhe në mënyrë krejt të papërgjegjshme nuk konsideron numrin e të sëmurëve për të mos përmendur pastaj numrin e të infektuarve të cilët nuk i ka fare në listë!

Jam pro hapjes, pro protestave etj, por me një kusht, ne të japim shembullin të parët për DISTANCIMIN social dhe mbajtjen e MASKAVE në pamundësi të respektimit të distancimit social!

Kjo është plotësisht e mundur!

Uroj që virusi të jetë dobësuar, uroj që ne të jemi “të zgjedhurit e perëndisë” por nuk besoj në asnjërën.

Ajo që di është që epidemia nuk ka kaluar, një vaksinë akoma nuk është në përdorim dhe distancimi social funksionon!

Në shumë spitale në USA nuk u prekën nga virusi infermieret që punonin në repartet covid por ato që punonin në repartet e zakonshme ku masat mbrojtëse ishin shumë të dobëta!

Duhet tu prijmë njerëzve tanë në mbrojtje të lirive dhe të drejtave të tyre në çdo rrethanë, gjithashtu duhet ti edukojmë ata për mbrojtjen e shëndetit te tyre.

*Ish-Ministër i Shëndetësisë