Prokuroria, Gjykata dhe Policia e Edi Ramës, shumë më të mira ishin të pareformuara!
“Më në fund, nuk ka më ujëra të ndotur që derdhen në liqen. Ne kemi në proces një projekt të madh, me vlerë 15 milionë euro që është në kantier,” tha Kryeministri Edi Rama majin e vitit 2023 duke prezantuar kandidatin socialist për kryetar të Bashkisë Pogradec, Ilir Xhakolli, ndërsa akuzoi PD dhe PL se kanë braktisur në zhvillim Pogradecin në 10 vite të drejtuara prej tyre dhe se kanë dështuar në transformimin e çdo qyteti.
“Nuk ka një shembull të vetëm ku ata mund të tregojnë se po ua dhe atyre besimin, ata mund të ndryshojnë qytetin,” tha Edi Rama në Pogradec, por, koha nuk i dha të drejtë.
Dhe jo vetëm kaq! Me marrjen e pushtetit nga socialistët dhe Edi Rama u konfirmua se ata mund ta ndryshojnë qytetin, por, vetëm për të keq!
As me prokurorinë, gjykatat dhe policinë e pareformuar, nuk të vriste njeri për kokërr të qejfit dhe gjykata të fajësonte prokurorinë, prokuroria policinë, drejtori i policisë mediat, dhe Kryeministri i Shqipërisë të gjithë përveç se vetes!
Por, çfarë ndodhi realisht në Pogradec, si u vra 42 vjeçari Egli Proga, pse u akuzua si i dehur dhe në vërejtjen e kushëririt të tij drejtuar inspektorit të policisë, Artur Lilo, se viktima ishte goditur dhe ai i ka thënë “ore ik andej”, pse Prokuroria e Korçës bënë të ditur se mori në hetim inspektorin e policisë Lilo, duke e akuzuar se nuk mori masa për dokumentimin e ngjarjes së ndodhur më 10 gusht, dhe në fund pse reagoi pa lidhje Drejtori i Policisë, Muhamet Rumbullaku, kreu i Urgjencës Kombëtare, Skënder Brataj, që mohon akuzën se ambulanca u vonua 30 minuta, e deri te Edi Rama që akuzon mediat pse gjithë kjo ngjarje u fry aq shumë, kurrë nuk do të thuhet zyrtarisht e shqiptarët do të vazhdojnë të bashkëjetojnë me Policinë, Prokurorinë dhe Gjykata e reformuara nga regjimi i Edi Ramës, me shpresën që të mos kenë fatin e Egli Progës së vrarë në Pogradec, pavarësisht se kush dënohet për “vrasje nga pakujdesia” ose “shpërdorim të detyrës”.
Nëse, Reformë në Drejtësi mund të quhet ajo Reformë që me përfundimin e saj lihet në duart e hajdutit të votave Ulsi Manja, ose dhe Reformë në Polici që me të përfunduar lihet në duart e agresorit të KQZ-së dhe menaxherit të lëvizjes së Toyota Yaris nga Brukseli, siç tha lideri i opozitës me 5 milionë euro në bord, Taulant Balla, më mirë ishte kur nuk ishim më mirë!
Kështu, Prokuroria e Krimeve të Rënda ishte shumë më mirë se ky SPAK i Partisë Socialiste që mburret me Reformën në Drejtësi, dhe, Policia për të cilën u tha se u reformua nga ajo që kishte futur duart Saliu, që mund edhe të mos shkonte në vendin e krimit menjëherë, por, në asnjë rast nuk akuzonte viktimën si fajtore për vdekje për shkak se ishte e dehur!
