Prokuroria kërkon burg për Tahirin, ja çfarë bën Gjykata e Lartë…

Gjykata e Lartë ka regjistruar shqyrtimin e rekursit që ka bërë Prokuroria e Krimeve të Rënda, e cila kërkon masën e sigurisë “arrest me burg” ndaj ish-ministrit të Brendshëm Saimir Tahiri.

Siç bëhet e ditur përmes një njoftimi zyrtar nga Gjykata e Lartë, regjistrimi i rekursit të organit të Prokurorisë është bërë më datën 18 korrik 2018.

Prokuroria kërkon “caktimin e masës së sigurimit personal ‘arrest në burg’ për personin nën hetim, Saimir Tahiri”.

Rekursi vjen pak javë pasi Gjykata e Apelit për Krime të Rënda, hoqi masën e arrestit shtëpiak ndaj ish-ministrit të Brendshëm.

Tahiri ndodhet në hetim për trafik droge në bashkëpunim me Habilajt dhe për shpërdorim detyre.