Protesta e Opozitës, Kolegji i Kryetarëve i PD merr vendimin…

Kolegji i Kryetarëve i Partisë Demokratike i kryesuar nga kryetari i PD, Lulzim Basha, duke u bazuar në vendimin e Kryesisë, sot ka vendosur që të thërrasë shqiptarët sërish në një protestë të madhe para Kryeministrisë me 13 Prill, duke nisur nga ora 18:00.

Ky vendim u morr pas diskutimeve shteruese në Kolegjin e Kryetarëve ndërsa ngeli në fuqi vendimi për protestë kur do që do të zhvillohet seancë plenare e Parlamentit të Shqipërisë, me kërkesat për krijimin e një qeverie tranzitore pa Edi Ramën kryeministër dhe zgjedhje të parakohshme.

Ndryshe, pas djegies së mandatave dhe deklarimit ilegjitim të Parlamentit të Shqipërisë dhe produktit të tij kriminal, bandës hajduto-kriminale të Edi Ramës, kryesia së Partisë Demokratike ka vendosur që protestat të shtrihen në të gjithë vendin dhe, natyrisht, protestave kombëtare në Tiranë, për të cilat, Kolegji i Kryetarëve dhe Këshilli Kombëtar i PD do të marrin vendimet përkatëse të organizimit, kalendarit, të datave, mobilizimit mbarëqytetar për të vazhduar protestat mbarëpopullore për largimin e Maduros së Ballkanit.