Protesta e Opozitës/ Protesta civile, masa ushtarake të policisë…

Protesta e tretë e Opozitës së Bashkuar para Kryeministrisë ka sjellë mobilizimin e ri të Policisë së Shtetit e cila çdo ditë e më shumë po merr natyrë ushtarake, me barrikadim dhe aksione të kohë pas kohshme me armë kimike që pasohen me dhunë.

Kështu edhe sot masat shtesë të policisë janë shënuar me rrtheimin e gjithë kryeministrisë me gardhe hekuri, ndërsa perimetri perrreth monitorohet me kamera sigurie. 

Më shumë se 1500 efektivë policie janë angazhuar në mbarëvajtjen e protestës që nis në orën 18:00 ndërsa mobilizimi ka nisur që në orët e para të mëngjesit.

Automjetet me xhama të errët ose të mbyllura, i janë nënshtruar kontrolleve, ndërsa qarkullimi në sheshin para Kryeministrisë u bllokua pak orë para tubimit.

Dera hyrëse e kryeministrisë është izoluar me material të fortë, për të shmangur dëmtimin e mundshëm, ndërsa përballë është montuar një skenë me foni. 

Duke marrë shkas nga protestat e kaluara, ku siç thekson policia kishte përplasje të herëpas hershme mes protestuesve, tashmë pas godinës së qeverisë ndodhen 4 autobotë me ujë, në gadishmëri për të shmangur atë që nuk e bënë gazi lotsjellës dhe kordoni i policisë.

Gjithsesi, para Policisë së Shtetit tashmë me frymë ushtarake të instaluar nga Ish-Gjeneral Sandër Lleshaj, është një natë e gjatë, siç është paralajmëruar nga organizatorët e protestës.