Protesta e PD, ja sa orë do të zgjasë…

Protesta e opozitës në bulevardin Dëshmorët e Kombit do të zgjasë 4 orë. Kjo të paktën sipas një kërkese të dytë të depozituar në Drejtorinë e Policisë së Tiranës, ku kërkohet një leje 4 orëshe për zhvillimin e tubimit.

Në këtë mënyrë duket se protesta e opozitës do të përfundojë brenda orës 16:00, ndërsa do të nisë në formën e një marshimi nga sheshi Skënderbej drejt godinës së Kryeministrisë.

Ndërkohë protestuesit pritet të mblidhen në mënyrë të organizuar në qendër të Tiranës, bazuar në udhëzimet e drejtuesve demokratë.