Protesta e studentëve/ Reagimi, Rama: Mbyllja me dhunë e dyerve…
Studentët kanë rinisur protestën e tyre para Kryeministrisë duke kërkuar që tashmë 9 kërkesat e tyre të plotësohen me amendament në Parlament, dhe derisa radhët e proetstës po shtohen me minatorë, naftëtarë dhe banorët e Unazës së Re, kryeministri Edi Rama ka zgjedhur rrjetin social Tëitter për të reaguar ndaj asaj që më së shumti e shqetëson në këtë moment, mbylljen e dyrëve të fakulteteve:
“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, “ thekson Edi Rama duke konsideruar se protesta ka hyrë në fazën e realizimi të kërkesave:
“Tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për objektivat specifikë të çdo fushe studimesh.”
Ja postimi i plotë
Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për objektivat specifikë të çdo fushe studimesh #MeStudentët
