Protesta, Teliti:Jemi afër arritjes së objektivit tonë madhor, dorëheqjen e Erion Velisë

Nënkryetari i Këshillit Bashkiak të Tiranës Dorina Teliti, nga protesta para Bashkisë Tiranë, tha se falë qëndresës së opozitës është afruar dhe objektivi madhor, dorëheqja përfundimtare e Erion Velisë dhe më pas, dorëheqja e Kryeministrit të Shqipërisë, Edi Rama.

“Një falënderim të gjithëve ju për këtë rezistencës, këtë protestë të gjashtë, para godinës që ka përdhosur interesat publike, që ka vjedhur paratë e taksapaguesve shqiptarëve.

Ashtu siç Erion Veliaj, kryefiku, lepuri në krye të bashkisë së Tiranës, ka prishur Teatrin dhe dhjetëra e dhjetëra pallate të tjera duke i shkërmoqur ato, ashtu dhe sot, falë rezistencës tuaj, të shkërrmoqim kryeshtetin e kryebashkiakut në krye të bashkisë më të korruptuar, në krye të bashkisë 100% të vjedhur dhe ne sot po ia dalim,” tha Dorian Teliti i bindur se objektivi madhor i opozitës është afër:

Jemi afër arritjes së objektivit tonë madhor, dorëheqjen përfundimtare të Erion Velisë dhe më pas, dorëheqjen edhe të kryeministrit të Shqipërisë. Është rezistenca juaj që sot bëri të mundur që Edi Rama të bëjë disa hapa pas. Ai që para disa javëve i jepte mbështetjen e pakushtëzuar Erion Velisë, sot u distancua nga ai. Foli për hajdutë – Edi Rama, foli për abuzues ligji, foli për grupe të struktura, foli për drejtorë dhe kryebashkiakë. Kjo u arrit vetëm në sajë të qëndresës suaj dhe të forcës suaj protestuese.”

Ndryshe, sot është protesta e gjashtë me radhë organizuar nga Aleanca për Teatrin para Bashkisë Tiranë, pas shpërthimit të skandalit 5D, ku pas arrestimit të pesë drejtorëve të bashkisë ndërkohë në SPAK u thirrë edhe shef i tyre Erion Veliaj.