Provat, PD: Kompania e Agron Kapllanajt ka përfituar miliona euro tendera nga Edi Rama

Pas mohimit të Agron Kapllanajt për tenderat që ka fituar kompania e tij nga regjimi i Edi Rames, sot Partia Demokratike përmes zëdhënëses Floriana Garo ka publikuar prova që konfirmojnë për miliona euro të fituara nga kompania e tij, madje renditet ndër 11 kompanitë e klientelës së Edi Ramës në raport me tenderat e fituar nga pushteti.

“Dje, me nje status si te shkruar nga Alibasha, Kapllan Pallati reagoi ndaj deklarates se Kryetarit te PD ne emisionin Open, ne te cilin ai akuzoi Alibasho-opoziten, ne rastin konkret Kapllan Pallatin, si opozite tendermenesh te qeverise Rama. 

Ai jo vetem mohoi dhjetra e dhjetra tendera qe kompania e tij familjare ka fituar si shperblim per opozitarizmin e forte nga regjimi i Edi Rames, por kercenoi edhe me padi ne gjykata,” thekson Flroiana Garo duke publikuar dhjetëra tendera me vlerë dhjetëra milionë euro që përfitoi “Shkëlqimi 07” sh.p.k, kompani kjo ndërtimi e drejtuar nga Agron Kapllanaj dhe vëllai i tij, Shkëlqim Kapllanaj.   

“Me kete rast, i kujtojme Kapllan Pallatit dhe Alibashes se tij se ne fotot e faqeve qe po postojme me poshte, gjenden dhjetra e dhjetra tendera me vlere dhjetra miliona euro te fituara nga firma e tij familjare nga regjimi Rama. Gjithashtu, me poshte do te gjeni edhe tabelen e nje studimi ne te cilen kjo kompani renditet nder 11 kompanite e klienteles se Rames ne raport me tenderat e fituar nga pushteti.”