Pse satrapi Edi Rama nuk e gjen dot një shqiptar në Himarë!
Pse Edi Rama nuk e pranoi për Kryetar të Bashkisë Himarë, Fredi Belerin, sot vetëm mund të hamendësohet!
Edhe sot, kur argumentin “BELERI GREK” e rrëzoi vetë kandidati i Edi Ramës, në televizionin e partisë, duke u deklaruar, patriot grek!
Sot, kur argumentin “DREJTËSIA E PAVARUR” e rrëzoi leja për Fredi Belerin që të shkoj në Strasburg dhe të betohet në Parlamentin Evropian pa ndonjë garanci nëse do të kthehet, ndërkohë nuk u lejua të shkoj në Bashkinë Himarë që të betohet si kryetar!
Por, pse Edi Rama nuk gjen dot një shqiptar për Kryetar të Bashkisë Himarë, kjo është pyetja së cilës të gjithë po i ikin në Himarë dhe jo vetëm, ndërkohë të gjithë himariotët mburren se janë shqiptarë edhe sot një muaj para zgjedhjes së Kryetarit të Bashkisë kur dihet që do jetë grek, ose patrioti grek Vangjel Tavo i satrapit Edi Rama ose greku Peter Gjikuria i panepiriotit Nicholas Gage!
Edi Rama satrap, mund të shkaktoj irritim në zonën e parë e operative sepse për satrap njohin vetëm malokun nga Mati, Ahmet Zogu që u kishte rrëfyer partia e tyre kriminale! Por, vetëm kjo shpjegon veprimet e këtij sundimtari me kaq pushtet të pakufizuar, që merr nëpër këmbë çdo të drejtë të njerëzve e të vartësve, që po shtyp dhe shfrytëzon pa mëshirë!
Rrëqethjen patriotike që e shitën rilindasit pas vjelljes së Edi Ramës në mitingun e Athinës, nuk e besoi njeri, nuk besoi as ai vetë se çfarë po i dilte nga goja, kur ndërkohë po vazhdonte përdhunimin e Vlorës me një patriot grek nga Jorgucati!
Sepse, nga Ahmet Durmishi e deri te Vizhdan Risilia, me ose pa Mbretin Zog, askush nuk e kishte përdhunuar kaq pa mëshirë Vlorën duke i sjellë për Prefekt, një katundar Jorgucati! Pra, as pushtuesve italian dhe gjerman, që respektuan nivelin intelektual që kishte Vlora dhe e eksportuan deri në Mitrovicë, nuk u shkoi nëpër mend për një ofendim të tillë, aq më shumë të sjellin në Qytetin e Flamurit një njeri që thotë se “është patriot shqiptar, aq sa është patriot grek”!
Shqiptarët kishin dëgjuar marrëzi nga më të ndryshmet nga komunistët, por satrapi Edi Rama i mësoi se mund të jesh kryetar partie dhe të mos jesh politikan, madje as i majtë e as i djathtë, të jesh Jorgo shqiptar por jo Fredi grek, të jesh Vangjel që mbron autorët e Masakrës së Peshkëpisë por jo kur quhesh Beleri, të mos kesh të drejtën të shkosh në Bashkinë Himarë të betohesh si Kryetar sepse je në burg, por, po nga burgu nuk të pengon njeri të shkosh në Strasburg të betohesh si eurodeputet, sepse, drejtësia është e pavarur!
Sot, kur për kandidaturën e aleatit të Saliut, Fredi Beleri, thuhen një mijë e një të zeza për Masakrën e Peshkëpisë, për kandidaturën e satrapit Edi Rama, Vangjel Tavo, u hesht kur ai reagoi fortë publikisht në vitin 2019 pse autorët e kësaj masakre po ftoheshin nga Prokuroria e krimeve të Rënda për tu pyetur për këtë masakër.
“25 vite më vonë rikthehet çështja e Masakrës së Peshkëpisë. Kriza e brendshme në vend kërkon diversion duke e zhvendosur vëmendjen në kurriz të minoritetit grek,” thotë Vangjel Tavo në Majin e vitit 2019 duke e konsideruar diversion; Por, në vitin 2024 nuk dihet se si quhet ky manipulim i satrapit Edi Rama me Masakrën e Peshkëpisë ku janë vra në mënyrë të pamëshirshme, kapiteni Fatmir Shehu dhe ushtari Arsen Gjini, si dhe janë plagos tre shqiptarë; Masakër që e mori përsipër grupi terrorist “MAVI” që veten jorastësisht e quajnë “Organizata Patriotike MAVI”.
Sot kur Saliu fajësohet pse pranoi kandidaturën e aleatit të tij PBDNJ, Fredi Beleri, por, nuk ngriti njeri zërin kundër sejmenit të satrapit Edi Rama në krye të KQZ, Ilirian Celibashi, pse zyrtarizoi këtë kandidaturë që mbanë mbi supe një krim aq të rëndë!
Sot kur Fredi Beleri u rendit nga mediat në shërbim të satrapit Edi Rama në të gjitha formacionet ushtarake dhe paraushtarake duke shprehur habi se si mund të zgjedhet një grek në krye të një bashkie si Himara me shumicë shqiptare, dhe mungon habia kur vetë greku nga Jorgucati, në televizionin e birrës dhe dyshekëve të satrapit Edi Rama, u deklarua:
“Unë jam patriot shqiptar padyshim, dhe po aq patriot grek padyshim!”
Si e dëgjuar “patriot grek” edhe për popullin shqiptar që harron shumë shpejtë, por që është aty komunikata e “Organizatës Patriotike MAVI” që i rikujton jo vetëm masakrën e 10 prillit 1994 në Peshkëpi, por dhe sulmin mbi repartin ushtarak shqiptar, pranë vijës kufitare nga ana e patriotëve grekë!
Sot, kur satrapi Edi Rama lejoi Fredi Belerin e arrestuar të shkoj në seancën inauguruese të Parlamentit Evropian më 18 Korrik, dhe, nuk ka hamendësim. Jo se e hëngri meraku dikë në Bruksel për eurodeputetin Beleri, por i duhet vota e tij për rizgjedhjen e kandidates së preferuar të Presidentit të Francës, Emmanuel Macron, për Presidente të KE, gjermanen Ursula vond der Leyen!
Shqiptarët e Himarës duhet të pajtohen, se derisa të janë komunistët në pushtet, dhe, Zoti u ka dhënë riskun të mos jenë as hajdut, as grek, dhe as serb, Kryetar i Bashkisë Himarë – SHQIPTARË, është betejë e humbur!
