Putin më 1 Nëntor në Beograd, pritet të trajtohet çështja e Kosovës!

Presidenti i Rusisë, Vladimir Putin, do të vizitoj Serbinë më 1 nëntor, në ditën e çlirimit të Beogradit në luftën e parë botërore. Kështu shkruan e përditshmja serbe “Veçernje Novosti” duke shtuar se së bashku me Putinin pritet të vijë edhe një donacion ushtarak rus me 30 mjete transportuese BRDM-2 dhe 30 tanke bashkëkohore T-72.

Ky do të jetë takimi i tretë i Vuçiçit me Putinin brenda një viti, dhe i 13 me radhë. Presidenti i Serbisë ishte në Kremlin në muajin dhjetor të vitit të kaluar, dhe në muajin maj të këtij viti kur në Moskë me kryeministrin izraelit, Benjamin Netanyahu, ishin shtetarët e vetëm të huaj që morën pjesë në paradën për nderë të Ditës së fitores ndaj fashizmit.

E përditshmja serbe kujton se kjo vizitë “bie” pikërisht në momentin kur pritet zgjidhja e nyjës kosovare, e Beogradi llogaritë në mbështetjen ruse; Kjo për shkak se nga Moska vazhdimisht kishte dhënë sinjale se do të mbështes çdo zgjidhje me të cilën bie dakord Serbia, si dhe janë është gatshëm që me ftesën serbe të përfshihet edhe në dialog.

Ndryshe, vizita e Presidentit të Rusisë, Vladimir Putinit në Serbi vjen edhe pas takimit historik me presidentin amerikan, Donald Trump që pritet të zhvillohet më 16 korrik në Helsinki.