Pyetja prej një milion dollarësh: Kur do të gjunjëzohet Vuçiç dhe do të shpall zgjedhjet?!

Pyetja se sa është në gjendje t’i rezistojë presionit për të shpallur zgjedhjet presidenti i Serbisë, Aleksandar Vuçiç, është një pyetje prej një milion dollarësh!

Kështu vlerësojnë ekspertët në Beograd për të përditshmen serbe Danas duke e pranuar se presionet janë të forta, intensive, ato nuk pakësohen, pavarësisht verës, temperaturave të larta dhe faktit që shumë qytetarë rebelë janë me pushime vjetore.

Pas 28 qershorit dhe protestës së Vidovdanit, regjimi i Vuçiçit u përball me bllokada dhe barrikada në të gjithë Serbinë, të cilave nuk iu përgjigj përveçse me ndërhyrje brutale të policisë.

Mijëra njerëz u arrestuan, u ndaluan, dhe ishin viktimë e dhunës së tmerrshme policore.

Bashkëbiseduesit e Danas pajtohen se Vuçiç nuk do të jetë në gjendje të rezistojë për shumë më gjatë. Ata gjithashtu vërejnë se ai humbi kohën më të përshtatshme për shpalljen e zgjedhjeve, që është gjatë verës.

“Zgjedhje deri në fund të vitit”
Kjo është pyetja prej një milion dollarësh. Të gjithë ata që duan ndryshime në Serbi po pyesin veten se sa mund të rezistoj Vuçiçi derisa të shpall zgjedhjet, tha për Danas avokati Sinisha Nikoliç, shef i kabinetit të kryeministrit të vrarë Zoran Gjingjiç.

Mendoj se edhe ai e di këtë, thekson ai.

“Gjithashtu, më duket se po mendon se si e humbi mundësinë për të shpallur zgjedhje të parakohshme gjatë verës kur njerëzit janë me pushime, kur nuk ka mjaftueshëm prej tyre për të shkuar në votime në mënyrë që të vijnë ndryshimet” thekson Nikoliç.

Sipas tij, kjo ka kaluar dhe datat e ardhshme janë shtatori, tetori, kur njerëzit janë kthyer tashmë në shtëpi dhe kur do të dalin në rrugë edhe më masivisht…

“Nuk mendoj se ai mund të refuzojë shpalljen e zgjedhjeve. Mund të ndodhë që Bashkimi Evropian të ushtrojë gjithnjë e më shumë presion për zgjidhjen e krizës sepse zgjidhja e krizës në shoqëritë normale janë zgjedhjet,” thotë shefi i kabinetit të kryeministrit të vrarë Zoran Gjingjiç. duke konstatuar se Vuçiç po përpiqet të rrisë popullaritetin e tij dhe të partisë.

“Punime infrastrukturore ai i hap, viziton… Ai është i guximshëm përmes veprimeve të policisë dhe BIA-s. Por ai do të duhet të shpall zgjedhjet. Ai do të sigurohet që të gjejë një kohë që më së paku i përgjigjet njerëzve që duan ndryshimin. Ndoshta do të përpiqet të durojë deri në nëntor kur ka një festë. Nëse e humbet këtë rast, do të sigurohet që të jetë fundi i dhjetorit, kur njerëzit merren me disa nga çështjet e tyre private dhe nuk mendojnë për zgjedhjet,” thekson Sinisha Nikoliç duke përfunduar:

“Askush nuk mund ta thotë me siguri se kur do ti shpallë zgjedhjet Vuçiç, por, Unë besoj se ato do të mbahen deri në fund të vitit.”

Ndryshe, Presidenti i Serbisë ka përsëritur disa herë se nuk do të shpallë zgjedhje deri në fund të vitit 2026, domethënë në fillim të vitit 2027.

“Çfarë duhet të bëjnë segmentet e shoqërisë rebele, ndërsa Vuçiç reziston”

Profesori i Fakultetit të Drejtësisë në Beograd dhe themeluesit të ProGlas, Miodrag Jovanoviç, thotë për të përditshmen serbe Danas, se është e vështirë t’i përgjigjesh pyetjes se sa gjatë do të jetë në gjendje Vuçiç t’i rezistojë presionit për të shpallur zgjedhjet.

“Sepse është një gjë të “rezistosh” ndaj presioneve në një demokraci të mirë kushtetuese dhe tjetër gjë në një regjim të pushtetit personal. Nëse Serbia do të ishte e para, jo vetëm që do ishin shpallur zgjedhjet deri tani, por ato do të kishin qenë të lira dhe të ndershme. Fatkeqësisht, Serbia është nën sundimin autoritar të Aleksandar Vuçiç, kështu që nuk mund të themi me siguri se sa gjatë do të “rezistojë” ai, dhe sikur edhe nëse zgjedhjet shpallen që nesër, a do të ishin të lira dhe të ndershme,” thotë profesor Jovanoviç.

“Nuk ka dyshim se ata duhet të vazhdojnë të bëjnë presion dhe të zgjerojnë zonën e rebelimit. Kjo është pikërisht ajo që po ndodh me decentralizimin në rritje të protestave dhe ripërfshirjen e profesioneve të ndryshme (avokatë, fermerë, etj.). Kjo heq një pjesë të barrës nga studentët dhe universitetet që kanë bërë sakrificën më të madhe deri më tani.

Aktorët politikë, opozita parlamentare, grupet lokale të qytetarëve, duhet të përgatisin infrastrukturën e tyre për zgjedhjet që dikur janë mbajtur, dhe të sfidojnë legjitimitetin e autoriteteve në komunitetet lokale (si tani në Uzhice,” thekson Miodrag Jovanoviç për Danas duke shtuar se ProGlas vazhdon të inkurajojë dhe nxis qytetarët të rezistojnë.

“Po përgatitet gjithashtu të fillojë një fushatë të madhe mobilizimi të bashkëqytetarëve tanë jashtë vendit në bashkëpunim me organizatat e diasporës. Gjithashtu, duhet të ripërtërihet dialogu me qytetarët rreth masave për Ditën pas ndryshimit të këtij regjimi.

Së fundmi, që ky front i gjerë të funksionojë në mënyrë sa më efikase, do të ishte i dëshirueshëm një komunikim më intensiv dhe dypalësh midis të gjitha segmenteve të angazhuara të shoqërisë rebele. Sepse pyetja e vërtetë nuk është se kur do t’i presim zgjedhjet, por si do t’i presim ato. Shpresoj se do të jemi gati për atë ditë, por edhe për ditën pas saj,” përfundon profesori i Fakultetit të Drejtësisë në Beograd, Miodrag Jovanoviç./Danas/