Qëndrimi ndaj krimit, qytetërim!

nga Fejzi Mailaj

Lexova sot një vendim të gjykatës për heqjen e emrit të rrugës që lidh qytetin e Ballshit me Uzinën. Ajo mbante emrin e Mehmet Shehut. Ishte vendosur me vendim të Bashkisë për turpin e saj. Denoncimin e kishte bërë viktima. Vrasësi ishte Mehmeti.

Po nëse nuk do të kishte denoncim çdo të bëhej, e mendoni? Emri do të ishte aty dhe mesazhi që do tu jepte qytetarëve ishte i qartë. Vrisni sa të doni se do t’ju nderojnë këtu në Ballsh si me gjalljen tuaj me ndonjë karrige por edhe pas vdekjes suaj me një monument (mani mend).

Testi themelor i qytetërimit te njeriu, te një grup njerëzish, apo te një popull i  tërë është qëndrimi ndaj krimit, e në qoftë se një kriminel e nderojmë ky është fundi moral i një kombi. Në rastin tonë fundi moral i shqiptarëve të Mallakastrës.

Pra ne folëm këtu për një krim, po kur i kalojmë ne dy krime, e lartë gjuha shqipe (që dhe atë e kemi kriminalizuar) ka një fjalë tjetër, masakër (mase + krim = masakrim ose krim në masë), vepër që ai e ka kryer mesa di unë.

Do të them tre raste pa i zbërthyer (analizuar).

1.Krimet në Mirditë për vrasjen e Bardhok Bibës së bashku me Tuk Jakovën.

2.Vrasjet në Dumre gjatë luftës të banorëve që s’pranuan të bëhen komunistë. Ne Derra bëhemi thanë ata, po komunistë jo, dhe ai i pushkatoi.

3.Përpilimi i listës emërore të 400 e ca vetave në Tiranë, për internim e pushkatim me rastin e hedhjes së bombës në Ambasadën Sovjetike. Pra, mendoj se vendosja e emrit të Mehmet Shehut është kundërkushtetuese dhe kundërqytetëruese.

E kundërta , heqja është qytetëruese.

Faleminderit!