Qëndrimi për Presidentin, PD: Nesër mbledhja e Këshillit të ri Kombëtar
Komisioni i Përkohshëm i Rithemelimit të PD ka vendosur të thirrë për nesër mbledhjen e parë të Këshillit Kombëtar ku përveç konstituimit do të përcaktohet qëndrimi politik i Partisë Demokratike lidhur me procesin e zgjedhjes së Presidentit të Republikës.
“Komisioni i Përkohshëm i Rithemelimit, ushtrues i kopetencave të Kryesisë së PDSH dhe Kryetarit, ka vendosur thirrjen e mbledhjes së parë të Këshillit Kombëtar në datën 6 Maj ora 18.00 ne Selinë e PDSH. Qëllimi i mbledhjes, përveç konstituimit të Këshillit Kombëtar është përcaktimi i një qëndrimi politik të PDSH lidhur me procesin e zgjedhjes së Presidentit të Republikës,” thekson anëtari i Komisionit Rithemelimit, Edi Paloka, duke rikujtuar se Këshilli Kombëtar i PD është i vetmi organ i cili mund të përcaktojë qëndrimin e unifikuar të Partisë Demokratike lidhur me një çështje të rëndësishme politike, si ajo e zgjedhjes së Presidentit të Republikës.
Deklaratë
Komisioni i Përkohshëm i Rithemelimit, ushtrues i kopetencave të Kryesisë së PDSH dhe Kryetarit, ka vendosur thirrjen e mbledhjes së parë të Këshillit Kombëtar në datën 6 Maj ora 18.00 ne Selinë e PDSH.
Qëllimi I mbledhjes, përveç konstituimit të Këshillit Kombëtar është përcaktimi I një qëndrimi politik të PDSH lidhur me procesin e zgjedhjes së Presidentit të Republikës.
Bazuar në nenin 44, pika 5 të Statutit, mbledhja duhej mbajtur të paktën 5 ditë nga thirrja, por për shkak të natyrës urgjente të çështjes që trajtohet, gjithësesi, Komisioni I Përkohshëm I Rithemelimit vendosi që mbledhja të mbahet nesër pasdite.
Këshilli Kombëtar I PDSH është I vetmi organ I cili mund të përcaktojë qëndrimin e unifikuar të PDSH lidhur me një cështje të rëndësishme politike, si ajo e zgjedhjes së Presidentit të Republikës, pasi në bazë të statutit, ai është organi më I lartë që drejton veprimtarinë politike të PDSH në periudhën midis dy Kuvendeve.
Bazuar në nenin 44 pika 4 e Statutit, në mbledhjen e parë të konstituimit të Këshillit Kombëtar, zgjidhet edhe kryetari I Këshillit Kombëtar midis të paktën 2 kandidaturave alternative.
