Rama dështoi me vaksinimin e popullsisë, PD: Ne kemi plan për të shëruar Shqipërinë!
Edi Rama gënjeu kur tha se kishte garantuar dozat e mjaftueshme për vaksinimin e popullsisë, thekson sot Partia Demokratike duke denoncuar nga Spitali Covid-2 Shefqet Ndroqi përmes ekspertit të Shëndetësisë në PD, Gazment Koduzi, mungesën e vaksinimit Anticovid, duke e cilësuar këtë si dështim të kryeministrit Edi Rama.
“Të dhënat reale provojnë dështimin e tij dhe të qeverisë në sigurimin e vaksinës. Edi Rama ka dështuar në gjithçka këto 8 vite dhe nuk ka mbajtur asnjë premtim ndaj dhe ka dështuar edhe në menaxhimin e pandemisë COVID-19,” thekson Dr. Gazent Koduzi duke konstatuar se Edi Rama nuk mendon për shqiptarët, por për veten e tij dhe miqtë e tij, të cilëve u jep me PPP paratë e taksave tona.
Edi Rama ka dështuar ndaj dhe duhet larguar pasi nuk mund të ketë më në dorë fatet dhe jetën e shqiptarëve, vlerëson në fund eksperti i Shëndetësisë në PD, Gazment Koduzi, duke garantuar shqiptarët:
“PD ka një plan për të shëruar Shqipërinë.”
Deklaratë:
Shqipëria me Edi Ramën është në vendnumëro për çdo gjë.
Me gjithë propagandën boshe të kryeministrit në ikje, Shqipëria renditet një nga vendet me avancimin më të pakët në vaksinimin e popullsisë në Europë.
Sipas “The Our World in Data”, në Shqipëri deri në datën 14 shkurt, janë administruar 0.04 doza vaksinash për 100 banorë, ndërsa mesatarja e Europës deri në 16 shkurt ishte 5.91 doza për 100 banorë.
Edi Rama gënjeu kur tha se kishte garantuar dozat e mjaftueshme për vaksinimin e popullsisë.
Të dhënat reale tregojnë krejt të kundërtën dhe provojnë dështimin e tij dhe të qeverisë në sigurimin e vaksinës.
Edi Rama ka dështuar në gjithçka këto 8 vite dhe nuk ka mbajtur asnjë premtim ndaj dhe ka dështuar edhe në menaxhimin e pandemisë COVID-19.
Edi Rama nuk mendon për shqiptarët, por për veten e tij dhe miqtë e tij, të cilëve u jep me PPP paratë e taksave tona.
Edi Rama ka dështuar ndaj dhe duhet larguar pasi nuk mund të ketë më në dorë fatet dhe jetën e shqiptarëve.
PD ka një plan për të shëruar Shqipërinë.
Me 25 prill fitojnë shqiptarët dhe humbet Edi Rama.
