Rama i jep fund dilemave/ Ja kë do të kandidojë për Bashkinë e Tiranës…

Kryeministri Edi Rama i ka dhënë fund hamendësimive lidhur me kandidatin e Partisë Socialiste për Bashkinë e Tiranës, në zgjedhjet e ardhshme vendore.

Rama ka konfirmuar Erjon Veliajn për një tjetër mandate, duke i dhënë fund kështu dilemave të artikuluara nga deputetë të opozitës dhe mazhorancës, sipas të cilëve kryebashkiaku aktual rrezikonte një rikandidim.

Kryeministri Rama theksoi se bashkë me kryebashkiakun Veliaj në mandatin tjetër qeverisës do të behet shumë me tepër se sa është bërë në këto tre vite duke siguruar për realizimin e një sërë investimesh të rëndësishme për përmirësimin e cilësisë së jetës për qytetarët e Tiranës.

“Sëbashku me projektet e qeverisë për Tiranën sëbashku me një sërë projektesh që shpresojmë të financohen me partnerët, na jep mundësi që të themi jo vetëm në këtë mandat të kryetarit të bashkisë së Tiranës ne do të bëjmë shumë tepër se çfarë është bërë në shumë vite sëbashku, por në mandatin e ri qeverisës ne do të bëjmë me siguri me kryetarin e bashkisë dhe me bashkinë e Tiranës shumë më tepër se sa është bërë në këto tre vite të bashkisë së Tiranës”, theksoi Rama.

Duke vlerësuar transformimin që ka pësuar e gjithë kjo zonë ku po ndërtohet bulevardi i ri dhe rehabilitimin e lumit të Tiranës, Kryeministri vlerësoi përkushtimin e Bashkisë së Tiranës dhe të kryebashkiakut Veliaj.