Rama pa argument: Opozitë që nuk i duhet as dreqit! Basha: Je një dështim i madh!

Kryeministri Edi Rama e nisi mëngjesin e sotëm duke i ofruar me video-dëshmi shqiptarëve një realitet ndryshe nga brenda spitalit Covid 2, por kur ky realitet u përgënjeshtrua po me video nga Kryetari i Partisë Demokratike, Lulzim Basha, Rama kaloi në ofendime:

“Një opozitë që as në një sëmundje që bie një herë në shekull nuk gjen dot forcë të bëhet bashkë me shumicën nuk i duhet as dreqit e jo më popullit shqiptar!” tha Edi Rama në reagimin e tij përmes rrjetit social Twitter vetëm pas disa dëshmive të shqiptarëve që nuk e kanë parë atë realitet që ofroi Kryeministri, dhe e menjëhershme ishte përgjigja e liderit të opozitës përmes po këtij rrjeti social:

“Rama je një dështim i madh. Sa shqiptarë duhet të vdesin që të ndalësh sulmet politike dhe përpjekjet për të na mbyllur gojën? Po të më kishe dëgjuar që para 6 muajsh, do t’ju kishe dhënë ndihmë financiare familjeve shqiptare dhe sot do të kishe një plan real kundër pandemisë,” tha Lulzim Basha duke i përsëritur Kryeministrit Edi Rama se Shëndetësia është në kolaps:

“Askush nuk e përtyp propagandën tënde fallso. Shëndetësia është në kolaps, të sëmurët nuk kanë pará për të blerë barnat e shtrenjtuara dhe ekonomia është në krizë. Ne do ta shërojmë Shqipërinë, do ti korrigjojmë dështimet e tua dhe do të sjellim shpresë të re për njerëzit.”

Ndryshe, deri sa mazhoranca vazhdon dhe ofron pamje përmes ERTV se çfarë bëhet brenda spitaleve Covid, të gjithë ata që ishte pjesë e trajtimit në këto spitale, deri më sot nuk e njohin realitetin e transmetuar nga syri kriminal i këtij televizioni.