Raporti i OSBE-ODIHR/ Dërdëllitje rilindase, ja pse Edi Rama shpiku Gent Cakajn!
Kishte shumë enigma kur Kryeministri Edi Rama solli në krye të Ministrisë së Jashtme, pas të birit të një krimineli komunist, një person anonim që e njeh vetëm Baton Haxhiu. E prezantoi si “koka e kombit”, por sot në daljen e tij pas Raportit të OSBE-ODIHR për zgjedhjet e 30 Qershorit, Gent Cakaj na del “turpi i kombit” pavarësisht urdhërave që i kishte dhënë eprori i tij dhe i Batonit, Edi Rama, për të dërdëllitur për atë që ERTV do ta konsideroj REAGIM!
Duke pasur ndër socialist shumë nga Ish-Kryetarët e KQZ-së, Edi Rama përzgjodhi Gent Cakajn që ta fus në sitë Raportin e OSBE-ODHIR në mënyrë që të gjejë ndonjë të zezë për opozitën ndonëse opozita ishte shumë larg këtij procesi të cilin e bojkotoi.
Dhe, pa u skuqur, ashtu sikur se Kryeministri Edi Rama, Zv/ministri i Jashtëm, Gent Cakaj vjen në konkluzionin se Raporti ishte kritik për opozitën ndërsa procesi zgjedhor ka qenë i rregullt:
”Raporti i OHDIR e cilëson sjelljen e PD dhe LSI, në raport me godinën e Kryeministrisë, si të dhunshme. Një ditë pas zgjedhjeve më me rëndësi sesa emrat e rinj që janë legjitimuar në këtë proces, ka qenë dëshmia se braktisja e parlamentit nuk mund të përkthehet në avancim institucional. Kësaj radhe kemi pasur shumë më shumë sesa bojkotim nga opozita. Jemi ekspozuar nga një dhunë vandaliste para dhe pas procesit zgjedhor. Këtë e thotë edhe raporti. Madje kemi pasur tentativa për bllokim të procesit të integrimit të Shqipërisë në BE. Tashmë me publikimin e raportit, ekziston një opinion se procesi zgjedhor ka qen i rregullt,” tha Gent Cakaj, ndërsa pyetjes nëse ky raport është një armë në duart e vendeve skeptike për të vrarë integrimin e Shqipërisë në Tetor, ministri në detyrë jep xhevahirin e radhës:
“Është e qartë se këtu ka pasur një përpjekje aktive për të dëmtuar mundësinë e hapjes së negociatave të Shqipërisë në tetor. Angazhim aktiv të disa qarqeve opozitare për të prodhuar dezinformim masiv, si dhe sabotimeve të procesit zgjedhor.
Nga dekretim-çdekretimi në mes të zgjedhjeve. Përpjekja jonë është për të shërbyer me informacione të sakta për situatën e përgjithshme në Shqipëri, për të relativizuar skepticizmin në disa vende. Shqipëria ka nevojë për zgjedhje shumë më të konsoliduara e më cilësore se zgjedhjet e 30 qershorit. Këtë nuk e ka mohuar askush në PS dhe në qeveri. Këtu të gjithë duhet të marrin përgjegjësitë e veta. Vendimi për bojkot ishte personal.”
Kryeministri Edi Rama kur e solli në krye të MPJ foli për një koeficient inteligjence të paparë, por një njeri që nxjerrë këto fjala nga goja, në rastin më mirë është për psikologun:
“Vetëm në bashkitë e udhëhequra nga opozita flitet për presione e shantazhime. Shumica e problemeve të paraqitura në raport janë rrjedhojë e drejtpërdrejtë e mospranimit të opozitës,” tha Gent Cakaj pa i dhënë përgjigje vërejtjeve të Raportit të OSBE-ODIHR për KQZ kriminale që merr kompetenca kot dhe interpretoi ligjin në mënyrë të paqëndrueshme duke ulur edhe sigurinë juridike, qeveri kriminale që nuk publikon as Dekretin e Presidentit në Fletoren Zyrtare, madje dhe ndalimin e vëzhguesve pas mbylljes së kutive të votimit kur filloi procesi i numërimit.
Në fund, ky barut i lagur rilindas në pushkën e Kryeministrit pasi nuk tregoj pse vetëm në bashkitë e udhëhequra nga opozita Edi Rama caktoi kandidat me të kaluar kriminale, dhe si mund ti bëjë opozita presion e shantazh një trafikanti të drogës, morri guximin dhe imitioi juristin më të dobët shqiptar me shërbim në KQZ duke sqaruar nëse do të shpallet në Fletoren Zyrtare, Dekreti i Presidentit për zgjedhjet e 13 Tetorit:
“Zgjedhjet e 13 Tetorit janë shpallur të pavlefshme dhe në këtë kontekst më mirë se sa unë është mirë që gjykata kushtetuese të japë përgjigje ligjore. Në lidhje me gatishmërinë për të adresuar vërejtjet e raportit të ODIHR për reformën elektorale shpreh gatishmërine që është koha e duhur për ta bërë këtë. Pasojat do jenë politike, shembull është kontestimi i zgjedhjeve mbi arsye gjithëcfarëdo, reforma të bëhet pjesë e një mirëkuptimi të përgjithshem që në Shqipëri sdo ketë më bojkotim të zgjedhjeve e kontestim të rezultateve zgjedhore. Një dialogim ndërpartiak edhe me opozitën jashtëparlamentare tani, për të bërë një reformë elektorale që nuk i përshtatet orekseve partiake”.
