Raporti i UNODC/ Reagimi, PD: Mjaft më me krim dhe drogë! Është koha për ndryshim!
Pas raportit të fundit të Zyrës së Kombeve të Bashkuara për Drogat dhe Krimin, UNODC, ku theksohet se Shqipëria është vendi kryesor në Europë i origjinës së kanabisit ka reaguar Partia Demokratike përmes Ish-Ministrit të Drejtësisë, Enkelejd Alibeaj,
“Këto 7 vjet të Edi Ramës janë bashkëqeverisje me krimin e organizuar dhe trafikun e drogës. Me Edi Ramën, Shqipëria është në listën e zezë të e OKB-së, si vendi kryesor për furnizimin e Europës me drogë,” thekson Enkelejd Alibeaj në reagimin e tij duke e shoqqëruar me një video ndërsa shton se Aleanca e Edi Ramës me trafikantët është një nga arsyet kryesore pse ekonomia ka rënë në duart e parave të pista dhe biznesi i vogël mezi merr frymë.
Dhe jo vetëm kaq!
“Prej 7 vjetësh, Aleanca e Edi Ramës me krimin dhe trafikantët e drogës mban peng të ardhmen europiane të Shqipërisë,” thekson Ish-Ministri i Drejtësisë, Enkelejd Alibeaj duke përfunduar:
“Mjaft më me krim dhe me drogë! Është koha për ndryshim!”
Ndryshe, Një raport i fundit i Zyrës së Kombeve të Bashkuara për Drogat dhe Krimin, UNODC, që analizon me detaje krimin e organizuar në Ballkanin Perëndimor, ka theksuar se Shqipëria është vendi kryesor në Europë i origjinës së kanabisit për 2014-2018, ndërkohë që grupet kriminale shqiptare tashmë janë përhapur në gjithë Europën, kryesisht në trafikimin e kokainës nga shtetet e Amerikës së Jugut.
Ndërkohë nga selia e Partisë Demokratike bëhet e ditur se Enkelejd Alibeaj është emëruar drejtues politik i Partisë Demokratike në Fier për fushatën zgjedhore të 25 prillit. Përfaqësuesit politik do të jenë dhe udhëheqësit e listave për deputet në zgjedhjet e 25 prillit.
