Raporti për v.2017/ Europol: Në sulmet terroriste , 68 persona kanë humbur jetën dhe 844 janë plagosur

Raporti për terrorizmin në Bashkimin Evropian i cili u publikua sot nga Agjencia evropiane për sundimin e ligjit, Europol thekson se 68 njerëz kanë humbur jetën dhe 844 janë plagosur, si pasojë e sulmeve terroriste gjatë vitit 2017.

“Nëntë shtete anëtare të BE-së raportuan një total prej 205 sulmesh të dështuara dhe të realizuara terroriste në vitin 2017. Shifra paraqet rritje për 45 për qind krahasuar me vitin 2016 dhe ndryshim të trendit të rënies që ka nisur në vitin 2014”, thekson raporti i Europolit duke shtuar se vitin e kaluar në BE, janë arrestuar 975 individë për shkelje të lidhura me terrorizmin.

“Shumica e këtyre arrestimeve kanë qenë të lidhura me terrorizmin xhihadist, me dyshimet për pjesëmarrje në aktivitetet e një grupi terrorist, planifikim dhe përgatitje të sulmeve, si dhe me aktivitete të lehtësimit: shpërndarje të propagandës, rekrutim dhe financim të terrorizmit”, thekson Europol.