Reagimi i Sofjes, Edi Rama nuk ndalon, përplaset edhe më keq me Bullgarinë për Maqedoninë V.
Pas reagimit normal të ministrisë së Jashtme të Bullgarisë për fyerjet dhe gjuhën që përdori dje Kryeministri Edi Rama, ky i fundit ka vazhduar me avokatinë për Serbinë dhe Maqedoninë e Veriut duke u përplasur kot me Sofjen zyrtare duke e quajtur dhe nder që i bënë zgjidhjes së pakicave duke përfshirë asaj bullgare në Shqipëri sikur vendi ynë nuk është firmëtare e detyrimeve jo vetëm integruese.
“Oh! Ministria e Jashtme e Bullgarisë ka një problem me mënyrën time të të folurit! Mjaft e drejtë. Edhe unë kam një problem me mënyrën se si Bullgaria dëshiron të zgjidhë çështjet biletarale duke përdorur procesin e zgjerimit si mjet për rrëmbimin e dy vendeve të NATO-s!” thekson Edi Rama përmes rrjetit social Twitter duke përfunduar:
“Ngadalë miq: Hiqni veton ose më duroni mua!”
Dje Vuçiç kishte vërjetur se Edi Rama është frustruar nga mungesa e hapjes së negociatave por ai vetëm i frustruar nuk është. Ky njeri është çmendur dhe këtë e konfirmon me përplasjen që vazhdoi me Sofjen zyrtare për llogari të Shkupit zyrtar:
“Dhe meqë ra fjala, më lejoni t’ju kujtoj të dashur miq bullgarë se u desh një telefonatë e shkurtër me Boyko Borissov për të zgjidhur miqësisht dhe sinqerisht çështjen e minoritetit bullgar në Shqipëri,” thekson Edi Rama përmes rrjetit social Twitter me këtë avokati të pakuptimtë që bënë për serbët dhe maqedonët thuase ata janë fundi i botës shqiptare, ndërsa përfundon:
“Miqtë e vërtetë nuk e dëmtojnë njëri-tjetrin, por flasin me të vërtetë me njëri-tjetrin dhe i japin dorën!”
Ky analfabet fuskional që shqiptarët e kanë për fat të keq ta kenë Kryeministër harron se kur u bë liberalizimi i vizave për Serbinë dhe Maqedoninë asnjëra prej tyre nuk e kushtëzoi liberalizimin me Shqipërinë por festuan me mburrje duke e quajtur sukses të madh lënien e shqiptarëve prapa në eurointegrime.
Pse e bënë këtë Edi Rama?! E qartë është se ky acarim me Bullgarinë, si mbështetësen kryesore të pavarësisë së Kosovës dhe integrimeve euro-atlantike të Shqipërisë, vetëm me inetersin e shqiptarëve nuk ka lidhje!
Ndryshe, pas fyerjeve që Kryeministri Edi Rama adresoi dje drejt Bullgarisë pse nuk hoqi veton ndaj Maqedonisë së Veriut për të hapur negociata me Bashkimin Europian, sot ka reaguar ministria e Jashtme bullgare duke i kujtuar këtij analfabeti funksional të politikës ndërkombëtare mbështetjen që i ka dhënë shqiptarëve Sofja zyrtare, thekson se është e papranueshme që marrëdhëniet mes vendeve të mbahen peng i ekscentricitetit të kryeministrit aktual shqiptar.
“Si përgjigje, jo për herë të parë, kemi dëgjuar kualifikime të rënda të pa sfiduara, fyese nga një kryetar qeverie. Presim që kryeministri shqiptar të marrë parasysh mjetet e tij shprehëse në një gjuhë që i përshtatet një politikani nga një vend kandidat për anëtarësim në BE,” thekson ministria e Jashtme e Bullgarisë duke shtuar se kemi një të ardhme të përbashkët përpara me Shqipërinë ndërsa përfundon:
“Politikanët po ikin. Kombet po qëndrojnë!”
