Rënie e madhe e çmimeve të naftës
Çmimet e naftës kanë pësuar rënie të madhe në tregjet ndërkombëtare, duke u ulur nën 101 dollarë, nën presionin e dollarit të fortë, masave të rrepta të parandalimit të COVID-19 në Kinë që ngadalësojnë kërkesën, dhe frikën nga stanjacioni i ekonomisë botërore.
Në tregun londinez çmimi i barelit pasditen e sotme ishte më i ulët për 6.15 dollarë krahasuar me një ditë më parë dhe arriti në mbyllje në 100.95 dollarë. Në tregun amerikan bareli u tregtua për 6.3 dollarë më pak, dheh arriti në 97.79 dollarë.
Pse u ul çmimi i naftës
Arsye e uljes së sotme të çmimit të naftës ishte dollari i fortë, i cili arriti paritetin ndaj euros, me paralajmërimet për rritjen e normave të interesit dhe shqetësimit për ekonomi. Në këto rrethana tregjet e aksioneve pësuan rënie të fortë.
Dollari i fortë dobëson fuqinë blerëse në valutat tjera, që do të thotë dhe kërkesën më modeste.
“Në Perëndim, kombinimi i çmimeve të larta të energjisë dhe rritja e normës së interesit shkaktojnë frikë nga recesioni që mund të ndikoj seriozisht në kërkesën për naftë,” thonë analistët e Commerzbank duke shtuar:
“Çmimet janë edhe nën presioneve të kufizimeve të sërishme në Kinë për të parandaluar valën e re të COVID-19.”
Tregtarët do të jenë të vëmendshëm edhe ndaj vizitës së Presidentit të SHBA, Joe Biden në Arabinë Saudite.
Presidenti amerikan do të angazhohet në takim me liderët e shteteve të Gjirit Persik për prodhim më të madh të naftës në Organizatën e vendeve eksportuese të naftës, OPEC, tha Këshilltari për Siguri Kombëtare në Shtëpinë e Bardhë, Jake Sullivan.
“Ka pak shpresa në mundësinë e Presidentit Biden për ti bindur gjatë vizitës në Arabinë Saudite përkatësisht Emiratet e Bashkuara Arabe, që të prodhohet më shumë barel,” thekson Jeffrey Halley nga OANDA.
Ndërkohë OPEC ka aktiviuzar të gjitha kapacitetet rezervë për prodhimin maksimal ndërsa për shkak të Kurban Bajramit, kjo organizatë as sot nuk ka shpallur çmimin e barelit të naftës për vendet anëtare. Çmimi i fundit i të mërkurës së javës së kaluar ishte 114.3 dollarë.
