Rënie në bursat aziatike, forcohet dollari dhe rritet çmimi i naftës
Në bursat aziatike çmimet e aksioneve të kompanive teknologjike pësuan rënie mëngjesin e sotëm pasi investitorët u shqetësuan nga mesazhi i kompanisë Meta të Facebookut e cila me mbylljen e Wall Street shënoi një rënie me mbi 11 për qind, derisa mbështetje tregut po i ofron më shumë se sa pritej rritja e ekonomisë koreanojugore.
Indeksi aziatiko-paqësor i aksioneve MSCI, pa ato japoneze, në orën 7:00 ishte në minus 0.7 për qind, pas rritjes prej tre ditëve me radhë. Në mëngjes, në bursën e Tokios indeksi Nikkei ra me 1.9 për qind, deri sa çmimet e aksioneve në Korenë e Jugut ranë me 1.2 për qind.
Në Shangai dhe Hong Kong kemi një rritje nga 0.2 – 0.5 për qind, deri sa në Australi për shkak të festës nuk punohet.
Në bursa është një kujdes i shtuar sepse po mbahet mbledhja e krerëve të bankës qendrore japoneze e cila mund të ndikoj në tregje, duke pasur parasysh që këmbimi i jenit me javë të tëra është nën presion, dhe ndaj dollarit amerikan ka arritur nivelin më të ulët në 34 vitet e fundit.
Forcohet dollari, rritet çmimi i naftës
Në tregun valutor, megjithatë, vlera e dollarit është rritur, pas një rënie të thellë një ditë më parë. Indeksi i Dollarit, i cili tregon vlerën e valutës amerikane ndaj gjashtë valutave më të fuqishme në botë, mëngjesin e sotëm është me rreth 105.75 pikë, deri mëngjesin e djeshëm ishte 105.60 pikë.
Këmbimi i i dollarit ndaj valutës japoneze është rritur nga 154.85 në 154.95 jen. Bazuar në ecurinë e dollarit në nivelet më të larta në 34 vitet e fundit, autoritetet japoneze kërcënojnë me ndërhyrje në mënyrë që të parandalojnë dobësimin e mëtejmë të jenit.
Ndërsa valuta amerikan është rritur edhe ndaj asaj europiane, dhe çmimi i euros sot është 1.0705 dollarë, nga 1.0710 dollarë sa ishte dje.
Ndërkohë çmimi i naftës ka pësuar një rritje të lehtë, pas rënies së djeshme në orët e pasdites. Çmimi i barelit në tregun londinez është forcuar me 0.16 për qind në 88.15 dollarë, deri sa në tregun amerikan çmimi i barelit është rritur për 0.13 për qind, në 82.90 dollarë.
