Replikat/ I riu i ngre nervat Ramës: Bën shumë reklamë . Ja reagimi i Kryeministrit…

Kryeministri Edi Rama është kapur me replika e batuta gjatë takimit të zhvilluar në Lurë.

Një prej të rinjve të zonës duke marrë fjalën në takimin me Ramën, i ka thënë se banorët nuk kanë nevojë që qeveria të vijë dhe t’i rregullojë kullat, pasi ato i bën gjithkush vetë.

Më pas ai i ka thënë Ramës se bën shumë reklamë, vërejtje kjo që i ka prishur qetësinë Kryeministrit

Replikat

I riu: Rrugën ta bësh nga Rrësheni, jo nga Dibra. Se nga Rrësheni lidhemi më shpejt me Tiranën

Rama: Po ku të duash ti

I riu: Jo ku të duash ti, se të njoh i ke reklama të gjitha këto.

Rama: Çfarë reklama, ku i ke parë

I riu: Të kemi dëgjuar shumë mirë

Rama: Ndryshime mes meje teje është se unë i mbaj premtimet, ti s’ke punuar asnjë ditë. Je individ, që mund të thuash mendoj që skemi nevojë për këtë që the

I riu: Ka ardhur ministri yt Lefter Koka para ca vitesh dhe premtoi projekt për rehabilitimin e rrugës, ishte projekt 4 milion euro, hodhi 4 kamionë me zhavorr dhe iku

Rama: Të flas unë tani?

I riu: Po, fol

Rama: Dorëzo mikrofonin se e kam unë radhën. Këto milionat e eurove i keni bërë si kokrra fasulesh. Unë thashë që duhen bërë kjo e kjo, nuk thashë që të bëjmë kulla e të mos bëjmë rrugët, ku e dëgjiove ti këtë, thashë e nisim nga ato që kemi mundësi, ti i di të gjitha, unë di më pak se ty, por ti asnjë nuk di të saktë, unë ato që di i di të sakta se ma do detyra, jo se jam më i zoti se ty, fillimi i punës me kullat është shumë i mundur dhe i duhur.