Reshje shiu në Çeki, përmbytje dhe aksidente

Reshjet intensive të shiut dhe stuhitë sot në Çeki kanë shkaktuar përmbytje dhe disa aksidente, duke përfshirë këtu edhe një aksident hekurudhor.

Treni i shpejtë me rreth 150 pasagjerë doli nga shinat pasi goditi një shkëmb te Kështjella Karlstein afër Pragës. Lokomotiva dhe vagoni i parë kanë dal nga shinat ku pesë persona u lënduan lehtë, bëjnë të ditur shërbimet e emergjencës.

Meqë kërcënimi për shkarje të mëtejme të dheut vazhdon, traseja për momentin është e mbyllur. Në disa vende lumenjtë dhe përrenjt kanë dalë nga shtrati. Në jug të Çekisë, përroi Polecnice në Krumlovë, dhe Vltave, kanë përmbytur shtëpitë.

Në gjithë vendin, njësitet e zjarrfikësve kanë ndërhyrë për të nxjerrë ujërat nga bodrumet si dhe për të pastruar rrugët pas rënies së pemëve. Në disa vende, breshëri ka dëmtuar çatitë dhe makinat.

Ndryshe, shërbimi meteorolgjik paralajmëron mot me shi edhe në ditët në vijim.