Reshje të dendura bore në Itali, pezullohet transporti hekurudhor

Moti i keq ka përfshirë pjesën më të madhe të Italisë, ku në shumë zona tashmë ka reshje të dendura të borës dhe të shiut. Për shkaqe sigurie, në disa zona ku reshjet e borës ishin më të dendura, u pezullua transporti hekurudhor.

Në Friuli-Venezia Giulia dhe në Provincën Autonome të Bolzanos është dhënë alarmi i kuq ndërsa shumë lokalitete në Alto Adige kanë mbetur të izoluara për shkak të mbylljes së rrugëve.

Mediat italiaine raportojnë edhe për rrëshqitje të dherave.  Një alarm i verdhë u lëshua gjithashtu në disa zona të Lombardisë, Ligurias, Marches, Lazios, Toskanas dhe Bazilikatas.