Richard Grenell, problemi nuk është Glauku por Alexi!
Në kulmin e fushatës elektorale në Kosovë, kur opozita nuk ka ndonjë argument për gjithë akuzat e dala nga goja e tyre ndër vite ndërsa nuk i identifikojnë dot as dështimet në diplomaci, shëndetësi e arsim, si Richard në qiell të hapur u vjen në ndihmë Grenelli, i sapoemëruar si I dërguar për misione speciale përfshirë Korenë e Veriut e Venezuelë, duke kundërshtuar spikerin e Parlamentit të Kosovës, Glauk Konjufca!
Ndonëse Glauku nuk tha ndonjë të pavërtetë në televizionin publik të Kosovës, RTK, Grenell zgjodhi të ndërhyjë në fushatën zgjedhore të 9 shkurtit me një kontestim pa lidhje, që përveç batonëve dhe buzhalëve nuk i hynë në punë njeriu!
Gjithsesi, mediat shqiptare tashmë nën kontrollin absolut të Organizatës Politiko-Medatike Soros e morën twittin e Grenellit, e shitën si deklaratë të ish-shefit të inteligjencës kombëtare të Presidentit Trump në mandatin e parë, duke ju kujtuar shqiptarëve se ky është ai që rrëzoi Qeverinë Kurti 1 dhe pavarësisht se sot nuk është Sekretar Shteti, siç e kishin paralajmëruar, është dora e djathtë e Presidentit Trump!
Afirmiteti i Grenellit me kundërshtarët e Kryeministrit Albin Kurti u fry me takimet që Grenell zhvilloi në kafetë përreth Capitolit kur u zhvillua ceremonia e betimit të Presidentit Trump, dhe u transmetua në portalet dhe mediat që mbështetën linjën e fortë politike kundër Donald Trumpit, jo kur Glauk Konjufca u bë spiker i Parlamentit të Kosovës, por Trump u zgjodh Presidenti i Shteteve të Bashkuara!
They spent the last 4 years complimenting Joe Biden and attending his conventions and parties.
— Richard Grenell (@RichardGrenell) January 22, 2025
Why didn’t they ever complain before? https://t.co/Ca6XhODOYY
“Ata kaluan 4 vitet e fundit duke komplimentuar Joe Bidenin dhe duke marrë pjesë në konventat dhe festat e tij. Pse nuk u ankuan kurrë më parë?” tha i zemëruar Grenell përmes rrjetit social X duke kundërshtuar Glaukun që konstatoj se gjatë Administratave të ish-presidentëve Joe Biden dhe Barack Obama kanë ndodhur disa çështje të cilat i ka shty Serbia, të cilat shumë e kanë dëmtu reputacionin dhe shtetësinë e Kosovës, dhe mori si shembull Gjykatën Speciale.
Nëse Richard Grenellit i pengojnë ata që e kanë mbështetur Presidentin Joe Biden, nuk i ka vetëm në Kosovër, por, nga Danubi deri tek Vardari, e nëse edhe për twittet e Grenellit vendos Alexi debati mbyllet këtu!
Nëse, jo, atëherë ajo që thotë Glauku vërtetë ka ndodhë, ishin si Administrata Obama ashtu dhe ajo Biden që punuan për integrimin e shpejtë të Serbisë dhe punuan me kriminelin më të madh aktualisht në Ballkan, ministrin e Propagandë së kriminelit të luftës Slobodan Milosheviç, Presidentin e Serbisë, Aleksandar Vuçiç!
Dhe, kur jemi te Administrata Biden, ajo jo vetëm që favorizoi Serbinë dhe dëmtoi Kosovën, por ajo që ishte nisur për të vjedhur zgjedhjet, dëmtoi Kosovën për të dëmtuar edhe Presidentin Donald Trump! Tashmë nuk është sekret, lidershipi i BE ishte ai që ndikoi në Gjykatën Speciale për arrestuar Presidentin e Kosovës, Hashim Thaçi, i cili ishte nis të firmos Marrëveshjen e hartuar nga Presidenti i SHBA, Donald Trump!
E nëse Grenell është kaq i vëmendshëm për ata që mbështetën Presidentin Biden, pse ai vetë u gjuajtë në gjirin e atyre që gëzuan aq shumë për fitoren e Joe Biden pas zgjedhjeve që i vodhi Donald Trumpit.
Të fillojmë nga Aleksandar Vuçiç! Rrëzimi i Qeverisë Kurti 1 nga proamerikanët e kësaj fuçie baruti u cilësua si interes amerikan pa e paragjykuar lehtësimin që nuk e fshehu Serbia për dialogun me Kosovën! Kur Vuçiç hodhi dekoratën e lartë të shtetit serb mbi qafën e Grenellit, u kuptua që asgjë nuk kishte të bëjë me interesin amerikan aq më pak me Donald Trump, por, prapa gjithë kësaj maskarade që qëndronte Alex Soros! As Albini, as Glauku, as dreqi e i biri…
Dhe, sot, kur mundohet të trazoi fushatën zgjedhore në Kosovë që përgjithësisht është e qetë, pse kalon mbi Serbi aty ku pritet rrëzimi i Vuçiçit ose një luftë civile, apo aty nuk ka nevojë ta rikujtoi Presidentin e Serbisë pse mbështeti Joe Biden kur u bë President me zgjedhjet e vjedhura dhe bashkëpunoi me Alexin!
Dhe, jo vetëm kaq! Grupi politiko-mediatik që vazhdon ta financoj Alex Soros, me batonë e buzhalë, ndikon edhe sot se kë do takoj Grenell në Washington dhe jo vetëm, pa u shqetësuar pse mbështetën Joe Bidenin; Aq më shumë kur në hapësirën shqiptare nuk mund të ngatërrohet njeri: politikani i vetëm që i qëndroi konsisten linjës së republikanëve amerikanë është Kryetari i PR, Fatmir Mediu, dhe, media e vetme, Pafrikë.al!
Apo, kjo siguri i vjen që nuk quhen Glauk!
Nëse Richard Grenell nuk zbërthen këtë foto që bëri xhiron e botës, të Alexit me tre kryeministra dy prej të cilëve diktatorë, në kulmin e zbatimit të projektit më kriminal qysh se i ka falë zoti këto troje, “Ballkani i Hapur”, dhe kalon mbi urimet e Presidentit Joe Biden nga Zotni Lafsha, Edi Rama e deri tek Aleksandar Vuçiç i cili e uroi pasi mori leje nga Moska, ma mirë e ka të hesht!
Të hesht, sepse edhe Agjencia që ai ka drejtuar gjatë mandatit të parë të Presidentit Trump, lejoi që në Tiranë të sjellë Ambasadoren Yuri Kim e cila, jo vetëm që mbështeti qeverinë kriminale të Edi Ramës, dhe instaloi një pushtet nën kontrollin absolut të Alexit por degradoi edhe vetë FBI-në, Zyrtari i lartë i së cilës u korruptua po nga kjo qeveri!
Sot, Ambasadoren Yuri Kim për arrogancë mund ta kritikojë politika e ditës, por, Grenell para se ta qëndis një twitt edhe për këtë çështje duhet të lexoj pak historinë e diplomacisë amerikane në Shqipëri!
Në Tiranë ka shërbyer një ambasador ku e ku më arrogant, Joseph Limprehti tashmë i ndjerë, por nuk mbizotëronte opinioni se ai ishte i korruptuar sepse ai fillimisht ishte kritik me qeverinë pastaj me opozitën! Ambasadorit Limpreht nuk iu desht Sali Berisha Non Grata që ta vënë nën kontroll një vend të vogël ballkanik sepse të gjithë ishin të qartë: Kur flet Ambasadori amerikan fletë Amerika!
Kanë kaluar dy vjet dhe Amerika nuk ka Ambasador dhe politika është më e qetë se kurrë, madje edhe e lumtur që nuk ka ambasador si Yuri Kim!
Në këtë situatë absurde, ku vendi është më mirë kur nuk ka Ambasador, dora e Aelxit vazhdon të ndjehet, dhe nëse vërtetë Richard Grenell e ka të domosdoshme të shkruaj një twitt atëherë le të shkruaj për Ambasadën e SHBA që nuk lajmëron se është betuar presidenti i ri dhe nuk quhet Joe Biden por Donald Trump!
Duke mos harruar, se po në këtë Ambasadë ishte traditë se me zgjedhjen e Presidentit të ri organizohej edhe një ceremoni. Sigurisht, atëherë nuk komandonte Alexi, dhe, Grenell nuk shkruante twitt…
Ky është dhe misioni më special që ka jo Richard Grenell por Sekretari i Shtetit, Marco Rubio, të rikthej besimin dhe nga Danubi në Vardar, Shtetet e Bashkuara të kenë sërish diplomacinë e fortë amerikane jo vetëm në këto troje:
Kur flet Ambasadori amerikan fletë Amerika!
