Risi në Vitin e ri akademik, Rama: Vaksinim i detyrueshëm për studentë dhe pedagogë!

Me rastin e inspektimit të Rezidencën Studentore Universitare Nr. 2 ku pritet të strehohen afganët, Kryeministri Edi Rama e bëri të qartë se vaksinimi për studentët dhe pedagogët do të bëhet i detyrueshëm, nevojë kjo për rrjedhën normale të jetës akademike.

“Mund të vijë momenti, duke pasur parasysh me atë që po ndodh nëpër botë, që vaksinimi do të jetë i detyrueshëm dhe duhet t’ia komunikojmë intisivisht me qëllim që kur të vijë momenti të mos thonë pse s’na thanë. Për të gjithë ata që janë pjesë të aktivitetit për të qenë bashkë me të tjerë. Nëse për veten e tyre mund të thonë s’ia dimë të tjerët. Vaksina nuk të heq rrezikun e infektimit, por të bën që kur të infektohesh ta kalosh më lehtë. Askush s’ia ka borxh askujt për të shkuar në spital se të tjerët thonë s’dua,” tha Edi Rama dhe ndonëse studentët janë larguar nag godinat ai sot tha se studentët nuk do të largohen nga këto godina e strehimi i refugjatëve afganë do të jetë i përkohshëm.

“Megjithëse po shtyhet ardhja e afganëve për shkak të logjistikës atje dhe shtyrjes së fluturimeve kështu që mund të ndodhi që mund të mos nevojiten nëse lirohen strukturat e tjera që kemi bërë gati sezonit. Por në të gjitha rastet është me rëndësi të jetë e qartë që s’bëhet fjalë për të hequr studentët dhe të sjellim refugjatët afganë, por bëhet për të shfrytëzuar këtë dritare kohe që s’janë studentët,” tha Kryeministri Edi Rama duke e bërë të qartë se këto struktura duhet të jenë gati.