Rreziku nga revolucioni! Pse shpërfillën Majakovskin, patronazhistët e Edi Ramës?!
Pakënaqësitë pas 25 Prillit tek e djathta shqiptare janë të shumta si për humbjen ashtu dhe metodat që arriti të përdor Edi Rama me patronazhistët e tij për të arritur fitoren.
Ndonëse edhe misioni i OSBE/ODIHR në raportin e tij konstaton shit-blerje të votës, kërcënime dhe presion ndaj nëpunësve nga ana e pushtetit, janë shfaqur disa zëra kundër Kryetarit të PD, Lulzim Basha, që e konsiderojnë atë si fajtorin kryesor për humbjen e zgjedhjeve. Këta zëra bëhen më të zëshëm pasi ndihmohen nga mediat të cilat pa dallim, që të gjitha janë kundër Lulzim Bashës, e ky mund të jetë dhe faji ekskluziv i Bashës, të cilin e kishte dhe e kultivoi me njerëz të paaftë që i angazhoi për tu kujdesur për median dhe komunikimin.
Nga ana tjetër, publikimi i data bazës së patronazhistëve me të dhënat e qytetarëve në prag të zgjedhjeve edhe publikisht krijoi një avantazh për Partinë Demokratike dhe Lulzim Bashën, të cilët për shkak të paaftësisë së tyre e shndërruan në disavantazh. Nga deliri i fitores, Partia Demokratike nuk denoncoi mbi 9.000 patronazhistë të zbuluar që ishin dhe janë rrezik jo vetëm për PD dhe zgjedhjet duke i dhënë mundës Edi Ramës ti shndërroi edhe në hero të fitores socialiste.
Punën e tyre të mrekullueshme e falënderoi Edi Rama, i cili me ndihmën e tyre u bë dhe Kryeministër për herë të tretë, ndërkohë mund të jenë dhe prodhuesit e pakënaqësive që u shfaqën para portës së PD, që vetëm me realitetin nuk kanë lidhje, për shumë arsye.
Dhjetë personat që kërkojnë largimin e Lulzim Bashës janë 10 personat kundërshtuan Bashën vetëm atëherë kur ai nuk i futi në listën për deputetë; Dhe prej kësaj dite e tutje, janë ata që kanë kontribuar më shumë se Edi Rama për humbjen e Partisë Demokratike.
Sikur Lulzim Basha të jap edhe dorëheqje kujt do ti shërbej?! Një anëtarësi e poshtëruar dhe e vjedhur që nuk reagon për ta tërhequr zvarrë liderin e opozitës, si do ta tërheq zvarrë Edi Ramën nga Kryeministria vetëm pse një lider demokrat do të na bëhet radikal; Apo, e rëndësishme është që në selinë e PD të mos jetë Luli!
Qetësia në selinë e PD
Sot me qetësinë që mbretëron në selinë e Partisë Demokratike mund të jenë të kënaqur si Ilir Meta që shkaktoi gjithë amullinë ndër demokratë vetëm pak çaste pasi u mbyll fushata zgjedhore në Tiranë, ashtu dhe Edi Rama që i bleu votat shqiptarëve, dhe përdori presionin në administratën shtetërore dhe ndërmarrjet e mëdha të shërbëtorëve të tij, që opozita i konsideron oligarkë!
Por, si Rama ashtu dhe patronazhistët e tij kanë harruar se kjo situatë mund të çoj, ashtu siç e parashikonte edhe Vladimir Majakovski, në revolucion, me ose pa dashjen e PD ose Lulzim Bashës edhe pse kjo metodë nuk njihet në botën e djathtë.
1.Revolucioni fillon – kur njerëzit më nuk e pranojnë pakënaqësinë si gjendje normale, e ju heshtni, qytetarët!
2.Revolucioni fillon – kur zemërimi i të uriturve nuk mund të blihet me paratë e të ngopurve, e ju jeni të uritur, qytetarët!
3.Revolucioni fillon – kur punëtorët refuzojnë të jenë skllav dhe rrëmbejnë atë që u takon, e ju heshtni, qytetarët!
4.Revolucioni fillon – kur ligji moral nuk ekziston, e ai i shkruar zbatohet vetëm ndaj të varfërve, e ju jeni i varfër, qytetarët!
5.Revolucioni fillon – kur shteti përçmon të moshuarit, dhe arreston ose dëbon të rinjtë, e ju heshtni, qytetarët!
6.Revolucioni fillon – kur populli i shërben pushtetit, dhe jo pushteti popullit, e ju shërbeni, qytetarët
7.Revolucioni fillon – kur artistët pushojnë së qënuri frikacak dhe flasin me aq zë sa kanë, deri sa ju heshtni, qytetarët!
8.Revolucioni fillon – kur është e ndaluar liria e fjalës dhe liria e mendimit, dhe ju jeni të ndaluarit, qytetarët!
9.Revolucioni fillon – kur punë dhe bukë ka vetëm për ata që mbretin e madhërojnë dhe lavdërojnë, e ju heshtni, qytetarët!
10. Revolucioni fillon – kur policia, ushtria dhe shërbimet e sigurisë nuk janë roje të lirisë, por okupator të popullit të tyre, e ju jeni të okupuar, qytetarët! /Ten messages about the revolution, Majakovski, 1909/
Për çdo njërin prej këtyre mesazheve mbi revolucionin, Vladimir Majakovski ka vuajtur nga 1 muaj burg. Pra, 10 mesazhe, 10 muaj burg.
Sot, duke pasur parasysh këto situata ndonëse janë hedhur në letër në vitin 1909, patronazhistët me shefin e tyre Edi Rama shpërfillën 10 mesazhet e Majakovskit të cilat ndër vite rezultuan të vërteta. Tashmë për situatën e krijuar jo vetëm me zgjedhjet, ata duhet të përgjigjen para Ligjit pavarësisht se çfarë mendon SPAK!
Sepse, nesër, zemërimin mund të mos e menaxhoj as Luli dhe as Basha!
Pse nuk e lexuan patronazhistët “e mrekullueshëm” Vladimir Majakovskin para se ta acarojnë situatën, kjo nuk mund të thuhet meqë këto mesazhe i aplikuan në vitin 1997, por, as kjo nuk do të ketë më fare rëndësi, nëse Shqipëria sërish ka fatin e zi, dhe: Revolucioni fillon!
