Rrit pazarin, Taulant Balla: nuk ka zgjedhje të parakohshme!

Partia Socialiste ndonëse ka një përfaqësues në Këshillin Politik për Reformën Zgjedhore, dhe zgjedhjet i dekreton Presidenti i Republikës, sot Kryetari i Grupit Parlamentar të Partisë Socialiste, Taulant Balla tha se zgjedhjet parlamentare të përgjithshme do të mbahen në qershor të vitit 2021.

Nga mediat në shërbim të Edi Ramës kjo u interpretua si shuarje e dyshimeve se mazhoranca do të pranojë zgjedhje të parakohshme por përderisa këtë e thotë Taulant Balla, e kaluara e të cilit njihet me deklaratat në PS dhe politikën shqiptare, thellon edhe më shumë dyshimet jo vetëm për zgjedhje të parakohshme por dhe rritje të pazareve në Këshillin Politik; Aq më shumë, kur ditët e miratimit të Reformës Zgjedhore dhe çeljen e negociatave me BE kanë filluar numërimin nga Bundestagu gjerman.

“Në kongresin e partisë do miratojmë një axhendë të aktivitetit politik të PS, biem të gjithë dakort që gjithmonë në këto 29 vite kongreset e PS kanë qenë momente të rendësishme në jetën politike të vendit. Në axhendën politike do ketë një lloj ndryshimi se nuk përmbyllet në 31 dhjetor 2020 por në 30 qershor të vitit 2021 afat në të cilin planifikojmë edhe zgjedhjet e përgjithshme parlamentare, kështu që unë do bie rehat për këtë pyetje për 13 muaj,” tha Taulant Balla i cili sapo ra rahat filloi të sulmoj Presidentin e Republikës duke dëshmuar konfuzitetin edhe brenda partisë.

Akuzoi Presidentin e Republikës, Ilir Meta, për vakancën e krijuar tek bashkitë pa kryetar, duke i bërë thirrje të zgjohet nga gjumi ndërkohë partia në emër të cilës flet Taulant Balla nuk ka as kryetar partie në Shkodër.

“Presidenti ka qenë dhe mbetet në moszbatim të detyrave kushtetuese që ka. Zoti president është vënë në dijeni nga institucionet përkatës për vakancën e krijuar, është presidenti që duhet të zgjohet dhe të respektojë kushtetutën,” tha Kryetari i Grupit Parlamentar të Partisë Socialiste, Taulant Balla, po pa sqaruar se kush duhet të zgjohet në PS, për zgjedhjen e kryetarit në Shkodëra nxorri edhe këto lloj marrëzira nga goja edhe pse është rehat:

“Kemi marrë një sërë kandidaturash, shumë reputative dhe intelektuale që të përfaqësojnë popullun e Shkodrës. Jemi duke diskutuar, shumë shpejt do kemi një drejtues të PS që të përmbushë pritshmëritë e strukturës.”