Rruga e Kombit/ Ku kanë humbur Edi Rama dhe Qet Kastrati?! Njerëzit janë bllokuar në rrugë për 4 orë…

Sa është vlera reale  e çmimit të mirëmbajtjes së Rrugës së Kombit, sa thonë kuksianët, kosovarët apo Edi Rama me Qet Kastratin, pak rëndësi ka. Sot u dëshmua, pas vetëm pak orë të  reshjeve të borës, jo në muajin Qershor por atëherë kur bie zakonsiht bora, Dhjetor, se Edi Rama dhe Qet Kastratti mund t’ ja vënë çmimin një kalimi jo 660 lekë por edhe 66.000, por ata nuk dijnë të qeverisin përkatësisht menaxhojnë. Janë të paaftë!

Ishte ora 16:00 kur po paralajëmrohej një situatë e frikshme në Rrugën e Kombit, aty ku Edi Rama dhe Qet Kastrati vetëm për një gjë nuk kanë dështuar, të marrin lekë.

Por paralajmërimi u bë shumë më i frikshëm se sa që mund ta mendonte ndonjëri prej qytetarëve që ishin nisur në rrugën më të shtrenjtë në Evropë! Aty ku vuajtja e ndoshta edhe vdekje paguhen.

Kryeministri dhe Koncesionari vetë e vendosën çmimin, pa pyet njeri, pa përfill komunitetin, dhe sot ky komunitet është i bllokuar duke pritur borëpastruese!

Në orën 16:00 ky bllokim i Rrugës së Kombit mund të quhej SKANDAL, por pas katër orë qëndrimi në borë, dhe nuk po lëvizte as koncesionari dhe as qeveria, në orën 20:00 tashmë ishte TURP!