Rruga e Kombit në mëshirën e Zotit/ AHC, ai që merr lekët këshillon: goma dimërore, zinxhirë dhe nr.telefonit…
Ai që i ka besuar kryeministrit Edi Rama dhe është nisur drejtë Kosovës ose anasjelltas, sot më mirë është ti besoj sinqeritetit të konçesionarit Albanian Highway Concession, i cili pas dështimeve të tmerrshme në mirëmbajtjen e kësaj rruge, ka vendosur të jap Këshilla.
Dhe, ashtu si Kryeministri, për Këshilla del se qenka “nona”. AHC këshillon përdoruesit e Rrugës së Kombit të kenë goma dimërore, makinat të kenë zinxhirë dhe të ecin me shpejtësi të reduktuar, dhe nëse asnjëra nga këto nuk bënë punë, keni vetëm një alternativë: thirrje në telefonin 08000400.
A lajmërohet njeri, këtë nuk e themi dot, sepse edhe lekët që merr konçesionari, 660 lekë, nuk i merr për të këshilluar por të mirëmbajtur rrugën, gjë që deri më sot ka dështuar ashtu si edhe dhuruesi i konçesionit, Edi Rama.
Por, për dallim nga herë të tjerë, sot kompania konccensionare Albanian Highway Concession ka rrespektuar të paktën parashikimin e motit, dhe jep këshillë pa TVSH:
“Të gjithë ata që udhëtojnë nërrugën e Kombit (Autostrada A1, Milot-Morinë), këshillohen që për shkak të kushteve të rënduara atmosferike dhe për të shmangur aksidentet, të zbatojnë me përpikmëri kodin rrugor dhe sinjalistikën rrugore.
Për çdo problem që mund të shkaktohet për shkak kushteve të motit të rënduar në këtë aks rrugor si dhe për t’u ardhur në ndihmë drejtuesve të automjeteve është në dispozicion numri jeshil 08000400. Ftojmë drejtuesit e automjeteve që për çdo problematikë të na kontaktojnë në këtë numër. Në pak minutave stafi i koncesionarit do të jetë në vend për t’ju ofruar asistencën e nevojshme,” thekson shoqëria konçesionare Albanian Albanian Highway Concession, duke shtuar se ka ka marrë të gjitha masat për të shmangur çdo bllokim apo problem që mund të shkaktohet nga moti i keq.
A është për ti besuar këtij njoftimi?! Bazuar në përvojën e drejtuësve të mjeteve në këtë rrugë të vetme shqiptare që paguhet, nuk e sugjeron njeri. Këtë e dëshmuan reshjet e fundit të borës për pak ditë, kur dhuruesi dhe konçesionari ngelën me lekët që u jep Rruga, dhe me Kombin ishte vetëm Zoti…
