Rumania shpall epidemi të fruthit

Pas rritjes alarmante të rasteve, Ministria e Shëndetësisë e Rumanisë ka shpallur epidemi të fruthit në nivel kombëtar.

“Ministria shpall një epidemi kombëtare për të lehtësuar vaksinimin e fëmijëve mes 9 dhe 11 muajsh dhe të fëmijëve më të rritur që nuk janë vaksinuar ende,” bënë të ditur Ministria rumune e Shëndetësisë, përmes një deklarate.

Ministria rumune e Shëndetësisë ka evidentuar 2.000 raste të reja në 29 nga 41 qarqet e Rumanisë.

Ndryshe, Rumania është përballur me rënie të vazhdueshme të numrit të fëmijëve të vaksinuar kundër fruthit, raporton RFE, që është nxitur nga fushatat kundër vaksinimit të fëmijëve nëpër mediat sociale.