Rusia drejt Kievit, Serbia drejt Moskës! Nuk dështoi Gaztori Edi Rama por vetë BE?!
Sërish Serbia, sërish gjunjëzimi i Evropës dhe sërish bota kërcënohet me një luftë! Pavarësisht parashikimeve, asgjë nuk ka të bëjë me manipulimin e zgjedhjeve në Serbi, as me dështimin e misionit të gaztorit të BE, Edi Rama, por, me vetë Bashkimin Evropian! Pse?!
Pas alarmit mbi mundësinë e fitores së frikshme të Vladimir Putin në Ukrainë dhe ngritjen e kokës së regjimeve tjera autoritare, Serbia po shkelte në procesin zgjedhor ndërsa Brukseli zyrtar mendoi se ishte komod të paktën në shtëpinë e tij dhe kishte autoritetin tek zgjedhësit serb ndonëse Presidenti serb Aleksandar Vuçiç i dha një leksion përmes një Letre që i kishte dërguar në Samitin BE-Ballkani Perëndimor përmes postierit, Kryeministres Ana Brnabiç!
Dhe, pas dështimit të kundërofensivës së Kievit ose siç u shpreh Presidenti ukrainas Zelenskyy nuk dha rezultate të dëshiruara, Presidenti i Rusisë, Vladimir Putin paralajmëroi realizimin e qëllimit me 617.000 ushtarër në front, Kongresi amerikan nuk e miratoi ndihmën prej 111 miliardë dollarësh ashtu si dhe BE prej 50 miliardë euro, ndërkohë gaztori i BE, Edi Rama, dështoi duke mbyllur Ballkanin që e kishte shqyer me Vuçiçin, rezultati i zgjedhjeve të 17 dhjetorit ishte i qartë; Jo se ato do të manipulohen nga Presidenti i Serbisë, por sepse aty tashmë është në një fron të fortë, regjimi autoritar i cili duke parë nga Moska merr guximin dhe thotë se nuk e njehë as Marrëveshjen e Kumanovës me Kosovën, që e kishte pranuar edhe para Përfaqësuesit të Lartë për Politikë të Jashtme dhe Siguri në BE, Josep Borrell.
Pasi fitorja e Vuçiçit u zyrtarizua, opozita serbe filloi protestat për manipulimin e zgjedhjeve, Bashkimi Evropian filloi të mburrej me vendimin për të filluar procesin e anëtarësimit të Ukrainës, shprehu shqetësimin si për Letrën e Brnabiçit ashtu dhe manipulimin e zgjedhjeve në Serbi, bota shqiptare duke pa gaztorin e BE, Edi Rama, se si vazhdon ta bënte dirigjentin, me keqardhje u qartësua se tashmë do të përballet me ndryshime të mëdha në ecurinë e saj të zhvillimit kombëtar!
Merkel dhe gaztori i BE-së
Edhe kur nuk kishte shpërthyer lufta në Ukrainë por Putin ishte pajtuar me copën e Krimesë, edhe kur Presidenti serb Aleksandar Vuçiç nuk ishte i varur me zhvillimet në frontin e Kievit, Bashkimi Evropian dhe kryesisht kancelarja gjermane Angela Merkel ishte ajo që shtynte përpara shtetin serb drejt Brukselit, ndonëse Beogradi zyrtar edhe pa i lëvizur qerpiku nuk kërkoi falje ndaj krimeve në Kroaci, Bosnje dhe Kosovë, madje as për varrezën masive më të madhe pas luftës së dytë botërore, që u realizuan nga forcat serbe dhe u lejua nga BE me mosveprimin e saj!
Dialogu Kosovë-Serbi dhe manipulimi i tij nga ana e shtetit serb dhe kryesisht Vuçiçit si dhe Procesi i Berlinit, bënë që Merkel dhe jo vetëm, të kuptojnë se Presidenti i Serbisë po tallet me ta!
Në momentet kritike, kur Beogradi zyrtar e kuptoi se Brukseli zyrtar do të cënonte pozicionin serb dhe po anonte nga Prishtina zyrtare, futi në lojë gaztorin Edi Rama me kujdes të veçantë që ti shmanget modelit mesjetar!
Për fat të keq, ky lloj gaztori u pëlqye shumë meqë qetësoi dhe garantoi sigurinë në Ballkan, pavarësisht se Edi Rama në rolin e gaztorit të Këshilltarit po lehtësonte punët e BE, dhe nga ana tjetër po i bënte një dëm të madh si shqiptarëve që jetojnë në Ballkan, në veçanti shtetit të Kosovës, ashtu dhe vetë Bashkimit Evropian.
Gaztori përveç se hyri në rol me Ballkanin e Hapur filloi të bindë liderët evropian se Aleksandar Vuçiç ishte një lider modern perëndimor me të cilin mund të bisedohet seriozisht, dhe ishin liderët kosovar destruktiv që e duan konfliktin!
Gaztori i Vuçiçit vazhdoi me ndihmën pa rezevë për të zotin e tij dhe u mundua të bind Kryeministrin e Kosovës dhe Malit të Zi, që të dy shqiptar, ti fus në projektin Ballkani i Hapur. Albin Kurti i tha hapur se është kundër këtij projekti por Dritan Abazoviç kishte një pengesë kushtetuese që nuk e lejonte ta serbizoj shtetin që qeveriste, Presidentin Milo Gjukanoviç, i cili për pak kohë u fshi dhe nga faqja e dheut!
Për fat të Bashkimit Evropian dhe kombit shqiptar, gaztori Edi Rama e bindi BE-në se mund të përdorej edhe nga kjo perandori, por tradhtitë natyrale të serbit Aleksandar Vuçiç e penguan Ramën që ta bind Brukselin zyrtar se është në nivelin e Yu Sze, dhe mund të ndikoj tek Presidenti Serbisë pas dillit me Ballkanin e Hapur, aq sa arriti gaztori i oborrit të perandorit kinez Qin Shi Huang, ta bind të zotin e tij të hiqte dorë nga ideja e çmendur mbylljes së gjithë murit të madh të Kinës.
Sot dihet që gaztori Yu Sze shpëtoi mijëra jetë njerëzish, ashtu siç dihet se ishte Kancelari gjerman por jo Merkel që kërkoi mbylljen e Ballkanit të Hapur nga gaztori Edi Rama që po e përdorte tashmë BE, dhe kështu ndodhi; Por, mijëra jetë shqiptare u shkatërruan së bashku me ekonominë e tyre nga nisma antishqiptare që Serbia nuk arriti ta bëjë as me luftë!
Dhe, gaztori tashmë edhe i BE, Edi Rama, meqë nuk la shumë gjurmë në promovimin e bashkëpunimit të tij me Kryeministrin Albin Kurti filloi sulmin e parë ndaj Kosovës për ti dëshmuar si Bashkimit Evropian ashtu dhe Aleksandar Vuçiçit, se nuk duhet të shqetësohen përderisa ai është aty si Kryeministër.
Kështu, Kryeministri i Shqipërisë, Edi Rama, ndëshkoi i pari Kosovën në kohën kur Vuçiç ishte shumë i shqetësuar dhe BE po punonte në përafrimin e qëndrimeve me Beogradin, por jo dhe Prishtinën zyrtare!
Pas ndëshkrimit nga ana e gaztorit të vetë edhe BE miratoi masa kundër Kosovës, por sjelljet e gaztorit të BE shumë shpejtë rezultuan fatale pasi ishte vendimi i Kryeministrit të Kosovës, Albin Kurti, që rezultoi i drejtë pasi ishin forcat terroriste të Presidentit të Serbisë që sulmuan veriun e Kosovës.
Edhe në këtë situatë kritike për Kosovën ishte vetë Kryeministri Albin Kurti i cili e menaxhoi situatën duke lënë gaztorin e BE të bëjë rolin e këshilltarit, patriotit, tradhtarit, dhe së fundi dhe gaztorit mesjetar, duke argëtuar si Vuçiçin ashtu dhe Bashkimit Evropian.
Kriza e madhe e BE dhe Gaztori mesjetar
Sot kur BE dhe bota po përballet edhe me konfliktin në Lindjen e Mesme që shpërtheu në mes të Hamasit dhe Izraelit në Gazë ndërkohë, kur fitorja e Vladimir Putin në Ukrainë po diskutohet në tavolinën diplomatike, Serbia kthen timonin hapur drejt Moskës dhe Bashkimi Evropian sërish gjunjëzohet si në frontin e Kievit ashtu dhe ndryshimit të mendësisë serbe, shkrepsat e armëve filluan të vajisen në Republikën serbe të Bosnjes që mbështetet nga Presidenti i Rusisë, dhe që paralajmëron dhe një cenim të rendit botëror!
“Derisa ukrainasit e lodhur tërhiqen nga fortifikatat ruse dhe fushave të minuara, Rusia merr iniciativën. Rusët u nisën drejt qytetit gërmadhë Marinke në rajonin Donjeck. Shikuar strategjikisht, është shumë i rëndësishëm. Me raketa mbulojnë Kievin,” thotë deputeti biratnik konservator dhe këshilltari i Këshillit për tregti pranë Ministrisë për Ekonomi dhe Tregti, Daniel Hanan, duke shtuar se fronti në Ukrainë i ngjanë atij të luftës së parë botërore dhe shkon nga Dnjepri deri në kufirin Ukrainë-Rusi.
Si teknologji ushtarake mbajnë anën e atij që mbrohet, thotë Hanan në një analizë të tij për Telegraf, çdo lëvizje para në front paguhet shtrenjtë, dhe lufta e parë botërore përfundoi sepse fuqia njerëzore që kishte Antanta ishte më e madhe se ajo e Fuqive të Boshtit.
Jo pse e thotë Hanan, por në rastin e Ukrainës, një e treta e kompanive në Rusi kanë vepruar para luftës në sektorin civil dhe sot punojnë për ushtrinë ruse, dhe ky ndryshim në ekonomi mund ti sjellë Rusisë vitet tëra varfëri. Por, sot ajo po i ndihmon, dhe ishte zhvillimi në Kongres për të refuzuar ndihmën për Ukrainën që inkruajoi Vladimir Putinin, dhe ai sot flet kështu; Dhe do të jenë dhe regjimet tjera autoritare dhe diktatoriale që do inkurajohen nëse Rusia shpall fitoren ndaj Ukrainës!
Fronti i Hersonit patjetër që do të jetë vendimtar në epilogun e këtij konflikti Rusi-Ukrainë ashtu siç do të jenë vendimet e Bashkimit Evropian, por jo vendimet si ato të Samitit të fundit kur Ukrainës i ofrohet negocimi për anëtarësim në BE dhe mbyllet goja për Letrën e Kryeministres së Serbisë, ku thotë se nuk i pranon disa pika të Marrëveshjes për të cilën tashmë është arritur dakordësia edhe me Kosovën!
Dhe, vaji mbi armët serbe në Republikës serbe në Bosnje nuk do të zë vend, vetëm nëse Bashkimi Evropian do të jetë shumë i vendosur dhe jo si në ndërtimin e paqes në Kosovë pas luftës së vitit 1999, ku për të mbajtur në jetë Dialogun Kosovë-Serbi askush nuk shikonte zbatimin e marrëveshjeve të arritura por gaztorin e oborrit të BE si Edi Rama, që bindin herë Hashim Thaçin e herë Isa Mustafën që të firmosin marrëveshje që nuk kanë kuptim për asnjë shtet normal, por, ja që qetësuan Aleksandar Vuçiçin!
Sot, manipulimi i zgjedhjeve në Serbi nuk është risi kur President i saj është Aleksandar Vuçiç, ashtu siç nuk është risi dështimi i misionit të gaztorit të BE, Edi Rama, si në Serbi ashtu dhe Kosovë.
Bashkimi Evropian duhet të jetë i lumtur kur shikon gaztorin e saj në rolin e dirigjentit; Ky është shans i madh për BE dhe Kosovën, dhe Edi Rama duhet lënë i qetë në rolin e gaztorit mesjetar, le të argëtoj oborrtarët evropian sepse asgjë tjetër nuk bënë dot!
