Saliu, Saliu, Edi Rama bëri kërdinë!
Kanë kaluar tre javë nga zgjedhjet e 11 Majit, PD ka bërë mbi 3000 denoncime për krime elektorale, shumë prej tyre janë parë edhe live nga ata që nuk kishin frikë ti hapnin sytë, dhe Edi Rama me çakejtë e tij vetëm sa kanë nxjerr angullimë të fortë dhe pamje nga zgjedhjet e kontestuara të vitit 1996 kur Kryetari i PD, Sali Berisha, ishte President i Republikës, ndërsa KQZ nuk e bënë punën kushtetuese që i takon!
Po, është ky Edi Rama, biri i një partie gjakpirëse të pangopur që i fliste Presidentit të Republikës, Sali Berisha, 31 vite më parë se çfarë është demokracia, shoqëria e ekuilibruar, media e lirë, dhe Republika që do të vigjilojë kundër krimit dhe korrupsionit, një Republikë që do të ekzaltojë vlerat morale dhe shpirtin krijues të njeriut të lirë, sepse, shqiptarët nuk duan një dorë të fortë; Dhe, në rrugëtimin e tij deri në ulje në fronin e Kryeministrit të kësaj Republike, i qëndroj besnik vetëm partisë së tij kriminale!
Edi Rama heshti kur partia e tij kriminale vodhi zgjedhjet edhe pas rënies së bustit të diktatorit, por akuzoi Saliun për manipulim të zgjedhjeve në vitin 1996! Madje akuzat tejkaluan edhe të pamundurën e vitit 1967 kur arrestuan Zotin, duke i vënë flakën gjithë Shqipërisë më 1997, duke pirë dhe gjak oficeri që mbronte shtetin shqiptar që për President kishte Saliun, dhe duke e shoqëruar me heshtjen e Edi Ramës kur u zhvilluan zgjedhjet aq sa mund të zhvilloheshin në tokën e shkrumbuar!
Por, pak rëndësi kishte kjo kur synimi i Edi Ramës ishte të fut kokën në Qeverinë e Shqipërisë, dhe, ia arriti qëllimin, u ul në fronin e Ministrit të Kulturës!
Duke ndryshuar rolin e analistit me atë të qeveritarit, filluan të ndryshojnë dhe kalkulimet e tij kriminale që dëshmoi me heshtjen e zgjedhjeve të vitit 2001 ndërsa e gjithë bota i dënonte! Por, tashmë kishin kaluar plot shtatë vjet, nuk ishte më ai intelektuali që i jepte leksione Presidentit Sali, por një kryetar i kryeqytetit shqiptar që ishte në kërkim të bijve të nënave dhe bijve të kurvave!
Dhe, çuditërisht me këtë soj e sorollop menjëherë bëri hapin e tij cilësor kriminal duke vjedhë edhe me dorën e vetë zgjedhjet e vitit 2003! Të kujt, pak rëndësi kishte sepse sytë i ishin terruar dhe pak rëndësi kishte nëse është Doktor Saliu apo Avoka Spartak Ngjela.
Spartak Ngjella u rropatë nëpër gjyqe, fitoi në gjyq dhe verdiktin se ai ishte fituesi i këtyre zgjedhjeve ndonëse Kryetar i Bashkisë Tiranë nuk u bë kurrë, por, kjo nuk kishte rëndësi për Edi Ramën që kishte futur hundët në ngordhësira, po kërkonte vetëm gjak dhe po nxirrte angullimë të fortë!
Si lider tashmë i partisë më kriminale në Evropë humbi zgjedhjet e vitit 2009, dhe siç e do zakoni komunist filloi të akuzoj, kë tjetër përveç se Saliun, ashtu siç bëri në vitin 1996 ndërsa i kërkoi të hap kutitë ose të largohet!
Çdo akuzë shoqërohej me pamjet nga viti 1996 në sheshin Skënderbe por jo dhe dëshmi për zgjedhjet e sapombajtura duke nxjerr angullimë për Saliun e keq!
Në mungesë të argumenteve askush nuk u mor me akuzat e tij boshe, Shqipëria u anëtarësua në NATO, iu liberalizuan vizat ndërsa ai me partinë e tij në vitin 2011 bëri atë që dinë të bëjë më së miri, i vuri flakën tashmë vetëm Tiranës, që ta sheh e gjithë bota; E për një mesazh sa më senzibilizues, në revoltat që u mbajtën në emër të korrupsionit të Zv/Kryeministrit të Saliut, Ilir Meta, u sakrifikuan dhe katër protestues, të cilët humbën jetën!
Pasuan lot krokodili nga Edi Rama për 4 protestuesit e vrarë, të atij intelektuali që kishte heshtur për 60 vjet për vrasjen e 6.027 shqiptarëve nga partia e tij kriminale, burgosjen e 34.135 shqiptarëve 984 prej të cilëve vdiqën në burgje, dhe internimin e 59.009 shqiptarëve 7.022 prej të cilëve humbën jetën!
Dhe, çuditërisht nuk kaluan as 2 vjet, dhe Edi Rama u pa se si me ndihmën e Serbisë, Ilir Metës, dhe komandantit të Grupit të Zjarrit që la të vdekur katër protestuesit në Bulevard, i mori pushtetin Saliut në vitin 2013!
Por, asgjë nuk ndryshoi, si në vitin 1945, kjo parti kriminale organizon zgjedhje në vitin 2015 me plotë krime elektorale, të cilat edhe kur dolën zbuluar nga gazeta gjermane “Bild” me përgjimet e publikuara, nga ky çakall komunist ashtu si të parët e tij vetëm sa i shijoi si ngordhësirën që prodhoi regjimi i tij! Madje, Edi Rama jo vetëm që nuk denjoi ti dënoi ata krime elektorale që dolën zbuluar nga përgjimet por u angazhua dhe “heshti” gazetën gjermane për të mos nxjerrë përgjimet e radhës që kishin paralajmëruar.
Opozita vazhdoi me protestat, u detyrua ti bindet ndërkombëtarëve, pranoi qeverinë teknike dhe u fut në zgjedhjet e vitit 2017 për të bërë edhe më shumë pis shtetin shqiptar se sa e kishte bërë deri në ato momente, si demokracinë, mediat dhe vetë Republikën e cila nënë qeverisjen e tij vigjilonte vetëm rritje të krimit dhe korrupsionit ndërsa trafiku i drogës kishte arritur dhe rekorde botërore!
Sërish për të gjitha akuzat e krimit elektoral që tashmë ishin sheshit, përgjigjej me pamjet nga viti 1996 ndërsa për akuzat që dolën hapur nga përgjimet e gazetës gjermane “Bild” dhe nuk u dënua asnjëri nga zyrtarët më të lartë të partisë së tij kriminale, bënte me gisht nga Drejtësia!
Në këto kushte opozita nuk e pa të arsyeshme të ishte pjesë e zgjedhjeve të vitit 2019 që treguan edhe fytyrën e vërtetë të Edi Ramës, ku kandidatët socialistë për këshilla bashkiakë vodhën votat e njëri-tjetrit!
Dhe, deri sa në gjithë botën vesi del me shpirtin, tek komunistët shqiptar u pa se vjedhja e votës del me shpirtin!
Kështu, dhe zgjedhjet e vitit 2021 në regjimin e Edi Ramës me Drejtësinë e Reformuar sollën zgjedhje shumë më të pista se ato pararendëse duke ndryshuar dhe Kodin Zgjedhor, pasi kalkulimet e tij dëshmonin se me koalicion PD dilte fituese përkundër blerjes së madhe të votës dhe intimidimit që ai bëri me ushtrinë e patronazhistëve!
Akuzave sërish iu përgjigj me pamjet e vitit 1996 ku në masë të madhe patronazhistët dhe llumi i tij parlamentar vërshuan në rrjetet Saliu duke treguar se kush është Saliu, pavarësisht se komikja po tejkalonte gjithë kufijtë e logjikës dhe njeriu që jepte leksione për konsolidimin e demokracisë, nuk kishte më nevojë as për demokraci dhe as media të lira sepse tashmë kishte ndërtuar qytetërimin e ëndrrave të tij prej çakalli, “Ne dhe Ata”, duke ekzaltuar vlerat morale dhe shpirtin e të gjithë qelbësirave që i shkuan pas, për ta luftuar Saliun me gjak demokrati!
Krimet elektorale në zgjedhjet lokale të vitit 2023 ishin një kronikë e paralajmëruar për atë që do të ndodhë në vitin 2025, ndërsa suksesi i madh i vjedhjes së votës në vitin 2023 ishte një paralajmërim i madh për fronin e vetë Edi Ramës, i cili tashmë po cenohej nga Lali Eri!
Duke mos ndryshuar skemën e manipulimit zgjedhor me forcat e krimit dhe paratë e buxhetit të shtetit, pa Lali Erin dhe bandën e tij për të cilët u kujdes SPAK, Edi Rama, në mungesë të një oferte si gjithmonë filloi fushatën zgjedhore me një angullimë të fortë “Saliu, Saliu”!
SPAK-u i tij ngriti zërin me një task-forcë sikur këtu ka edhe shtet, por dita e zgjedhjeve të 11 Majit tregoi se kjo Prokurori e Posaçme jo vetëm që nuk ishte e interesuar për krimin elektoral, por, edhe aty ku preki rezultoi që vota po blinte opozita!
Kampioni i idiotizmit spakist ishte rasti me Drejtoreshën e Agjencisë së Inovacionit dhe Ekselencës, Enkelejda Imeraj, e cika edhe kur u zu në folenë e vjedhjes së votave të partisë së Edi Ramës që po bënte kërdinë, u la të ikë e lirë nga SPAKU, të marr dëshmitë me vete, dhe të lenë komunistët të shijojnë ngordhësirën.
Denoncimet nga Partia Demokratike dhe Sali Berisha nuk munguan ashtu si dhe heshtja e Edi Ramës, asqerët e të cilit tashmë janë ngritur në këmbë që përveç angullimës së fortë “fajet i ka Saliu” sërish i servirin shqiptarëve pamjet nga viti 1996, ku gjakëpirësit akuzonin Saliun por askush nuk e e imagjinonte se Sigurimi i Shtetit po bënte kërdinë!
