Samiti i BE me vendet e Ballkanit Perëndimor/ Ja çfarë paralajmëron Donald Tusk

Samiti i BE-së me vendet e Ballkanit Perëndimor në Sofje do të paraprihet nga një drekë jozyrtare pune.

Ftesa është publikuar në faqen zyrtare të Këshillit të Europës, nga Presidenti i Këshillit Donald Tusk.

Fokusi do të vihet mbi zhvillimet e fundit botërore, në veçanti pas njoftimeve të Presidentit Trump mbi daljen e SHBA-së nga marrëveshja me Iranin, ngjarjet më të fundit dramatike në Gaza, si dhe tregtinë.

Pjesë e axhendës do të jetë edhe çështja e integrimit të Ballkanit Perëndimor. Në samit do të jenë të pranishëm kryetarët e qeverive të vendeve të Ballkanit, mes të cilëve edhe Edi Rama.

“Të nesërmen, ne do të takojmë partnerët tanë të Ballkanit Perëndimor kolektivisht për herë të parë në 15 vjet.

Pas udhëtimit tim të fundit në rajon, jam i bindur se BE është partneri i vetëm që kujdeset sinqerisht për stabilitetin e të gjithë rajonit dhe të ardhmen e begatë për popujt e saj – në krahasim me trajtimin e saj si një lojë gjeopolitike e shahut, në të cilën njerëzit janë këmbësorë.
Perspektiva evropiane për Ballkanin Perëndimor duhet të mbetet një angazhim i vendosur në të dy anët.

Por përveç politikës, deklaratat për të ardhmen, duhet të tregojmë se na intereson zhvillimi ekonomik i Ballkanit Perëndimor.

Investimi në lidhjet infrastrukturore dhe njerëzore me dhe brenda rajonit të Ballkanit Perëndimor është në të mirë të interesit të BE-së. Dhe qëllimi i takimit tonë është ta provojmë”, thuhet në letrën e Tusk.