Samiti, Presidenti i Këshillit Europian: E ardhmja e fëmijëve të Ballkanit, e sigurt në BE!
Presidenti i Këshillit Europian, Charles Michel, tha sot nga Samiti i BE-Ballkani Perëndimor në Tiranë se Bashkimi Europian mbështet Ballkanin dhe se e ardhmja e fëmijëve të rajonit do të jetë e sigurt në BE.
“Ky do të jetë një takim i rëndësishëm, simbolik. Hera e parë që ndajmë një samit të BE në një prej vendeve të Ballkanit. E ardhmja e fëmijëve tanë do jetë më e sigurt me Ballkanin Perëndimor pranë BE,” tha Presidenti i Këshillit Europian, Charles Michel ndërsa, Presidentja e Komisionit Europian, Ursula Von der Leyen kishte një mesazh të qartë për Shqipërinë:
“Samiti është i rëndësie të veçantë. Shpresojmë që Shqipëria pas çeljes së negociatave të jetë pjesë e BE-së.”
Ndërkohë Presidenti Emmanuel Macron me një vend kaq me diell si Shqipëris tha se duhet, të jemi krenarë që priesim BE-në ndërsa foli për temat e Samitit që do të diskutohen.
“Kam thënë gjithmonë të njëjtën gjë që diskutimet gjithashtu dhe lufta në Ukrainë është çështjes sigurie për të gjithë rajonin. Ne kemi që në shkurt-mars duke punuar. Jam shumë i lumtur që jam në Shqipëri, falënderoj zotin Rama për këtë samit të BE dhe Ballkanin Perëndimor në një moment të rëndësishëm për në, në kuadër të presidencës çeke. Kemi projekte konkrete për të diskutuar, me rëndësi është që të kemi solidaritet përmes BE dhe Ballkanit perëndimor për energjinë dhe procesin e integrimi të kësaj pjesë në BE. Të punohet drejt solidaritetit. Do kemi mundësi këtu dhe së bashku dhe me kancelarin Scholz, që të diskutojmë,” tha Emmanuel Macron duke përfunduar me sqarimin për ato media që folën dhe për frikën në rethanat në të cilat po zhvillohet Samiti:
“Roli i autoriteteve publike nuk është të qeverisen përmes frikës. Roli i ministrave është që të bëjnë punën e tyre në raport me energjinë. Kjo nuk është për të frikësuar njerëzit për skenarë absurde. Ndaluni ju lutem, jemi një vend i madh. Skenari i frikës nuk është për mua. Në një vend kaq me diell, duhet të jeni krenar që prisni BE.”
Ndryshe, Samiti BE-Ballkani Perëndimor i cili për herë të parë po mbahet në njërin nga vendet e rajonit, pritet që liderët e BE të shprehin mështetje për idenë e integrimit gradual të rajonit tashmë në fazën e aderimit, dhenien e ndihmës financiare prej 1 miliardë euro për zbutjen e pasojave të krizës energjetike dhe theksimin e rëndësisë së partneritetit të BE me Ballkanin Perëndimor ndërsa vazhdon lufta në Ukrainë.
Deklarata e përbashkët tashmë e dakordësuar dhe bënë thirrje në integrimin më të fortë të rajonit për një treg të përbashkët të BE dhe njëkohësisht i bën thirrje vendeve të Ballkanit Perëndimor që ti përmbahen vlerave themelore evropiane si dhe parimeve, në përputhje me të drejtën ndërkombëtare, parimeve të demokracisë dhe sundimit të ligjit, dhe të shfaqen më qartë në opinion mbi përparësitë e partneritetit me BE.
