Protesta e opozitës në orën 12:00, ja skenari

Ndërkohë që Policia e Shtetit nuk i dha leje për protestë për shkaqe sigurie për shkak të Samitit BE-Ballkani Perëndimor që po zhvillohet në Tiranë, Partia Demokratike do të mbajë protestën në orën 12:00 me një skenar të caktuar.

Grumbullimi i demokratëve pritet të nisë rreth orës 11:30, ndërkohë që demokratët do të mblidhen nga rrugë të ndryshme të Tiranës në Sheshin Skënderbej dhe në vende të tjera, në këtë orë do të nisë marshimi i tyre ashtu si dhe nga selia blu së bashku me liderin Sali Berisha për tu bashkuar para Ish-Hotel Dajtit. 

Mësohet se PD është përgatitur për çdo skenar dhe ka bërë gati një regji lëvizëse që do të përdoret gjatë protestës.

Në seli tashmë ka mbërritur kryetari i PD Sali Berisha i cili kishte një mesazh të qartë:

“Tirana po zien, e tëra në shesh. Rroftë Tirana, rroftë Shqipëria!”

Në selinë e PD, demokratët janë tashmë gati për protestë.