Foto e ditës: Servil në gen!

Pritja në gjunjë e Kryeministrit të Luksemburgut, Xavier Bettel, në Samitin BE-Ballkani Perëndimor nga Edi Rama habiti të huajt që ishin të pranishëm në këtë shfaqje të shëmtuar por jo dhe shqiptarët që e konsiderojnë si një akt të radhës të njeriut pa dinjitet që shqiptarët e kanë për taksirat ta kenë dhe Kryeministër.

Filluan hamendësimet pse Edi Rama u ulë në gjunjë pikërisht para tij apo e tërhoqi valixhja, por, jo, kjo ka të bëjë me genin, thjeshtë servil!

Kështu bëri me Fatos Nanon, erdhi nga mëhallat e Parisit u bë ministër, kryetar bashkie dhe në fund i dha shqelmin, dhe e hoqi nga Zyra e Kryetarit të PS!

Po kështu ndodhi dhe me Ilir Metën! Deri sa ishte Kryeministër i shkruante dhe fjalimet, e bindi ta hiqnin nga Zyra Sali Berishën dhe me ardhjen në pushtet i dha shqelmin dhe Likes!

Nga politika e jashtme nuk ia kishte haberin, mori Ditmir Bushatin derisa e prezantoi me liderët e BE, e spostoi atë nga kabineti dhe filloi dhe zvarritjet e gjunjëzimin me kancelaren Merkel, Presidentin Macron, Sekretarin e Shtetit Blinken, Presdentin Erdogan, Presidentin Vuçiç, Kryeministrin Zaev, Presidenten Von der Leyen, më pas me kancelarin Scholz për të përfunduar sot dhe me Kryeministrin Bettel.

Se cili është halli i këtij gjunjëzimi, shumë shpejtë do shohim tymin e bardhë…