Seanca ndaj Tahirit/ Donald Lu: Kemi dëgjuar për presione serioze, vendimi të bazohet mbi provat

Ambasadori amerikan në Tiranë, Donald Lu, ka bërë një deklaratë të fortë, një ditë para seancës në Gjykatën e Apelit të Krimeve të Rënda ndaj ish-ministrit të Brendshëm, Sajmir Tahiri.

Lu i kërkon trupës gjyqësore që të japë një vendim bazuar në prova dhe jo në presione, ndërsa ripërsërit se askush nuk është mbi ligjin. Gjithashtu ambasadori amerikan, në një prononcim për BË, i kërkon medias dhe shoqërisë civile që të monitorojë seancën gjyqësore.

“Kemi dëgjuar disa raportime nga burime të pavarura për presione serioze në këtë çështje, përfshirë edhe ryshfete që u janë ofruar gjykatësve. Ne i bëjmë thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para. Askush nuk është mbi ligjin”, tha thënë Ambasadori i SHBA.