Seanca Plenare/ Kryeministri Rama vazhdon fyerjet ndaj opozitës, por sot “shpërblehet” nga Edi Paloka

Ndonëse në pamje të parë u krijua përshtypja se seanca plenare në Parlamentin e Shqipërisë iu kthye normalitetit, është e qartë se kemi të bëjmë me një  mision të pamundur përderisa në krye të mazhorancës kemi një njeri me veprime dhe deklarata që janë larg jetës parlamentare. Kjo bëri që edhe tensionet të rikthehen në seancë me dallimin e vetëm që sot ai u “shpërblye” nga nënkryetari i PD, Edi Paloka.  

E gjitha filloi pas fjalës së Lulzim Bashës, kur replikoi kryeministri Edi Ramës, dhe sikur po i kërkonte falje kryetarit të Parlamentit të Maqedonisë i cili është prezent në seancë plenare, vazhdoi me fyerjet ndaj liderit të opozitës:

“I dashur miku ynë kryetar i Kuvendit të Maqedonisë, ku kërkoj ndjesë për këtë shkelje të kodit të mikpritjes, por ju siguroj se fëmiu që sapo foli jo nuk i mendon ato që thotë po thjesht nuk di se çfarë thotë, edhe njëherë ju kërkoj ndjesë”, tha Edi Rama pas fjalës së Lulzim Bashës por kjo fyerje u kurorëzua me një spërkatje boje nga Edi Paloka.

I menjëhershëm ishte reagimi i policit të parë të Ramiz Alisë në krye të Parlamentit, Gramoz Ruçi, i cili vërejtje vetëm shefit të tij që ofendon 139 deputetët e Parlamentit të Shqipërisë, nuk di ti jap:  

“Dil jashtë për veprimin e kryer dhe shkeljen e rregullave, dil jashtë. Mos më detyro të mbledh Byronë,” tha shoku Gramoz por Nënkryetari i PD dhe Parlamentit të Shqipërisë, Edi Paloka nuk ka pranuar të lërë sallën, pas vendimit arbitrar të Ruçit. Kështu seanca u ndërpre…