Seanca plenare, Shefja e Propagandës së Bashës dhe djali i Preç Zogajt anëtarë të AMA
Seanca plenare e Parlamentit të Shqipërisë, përveç zhurmës dëshmoi se bashkëqeverisja Basha-Rama po ecën me hapa të sigurt duke shantazhuar si KLGJ dhe KLP-në, dhe duke e mos ndjerë mungesën e dakordësisë kur është fjala për sistemimin e shërbëtorëve të tyre. Dhe, e gjitha kjo të kaloj në heshtje!
Kështu, drama me shefen e Zyrës së propagandës së Lulzim Bashës mori fund. Autoriteti i Dosjeve i shpëtoi edhe një herë dorës së pistë të Lulzim Bashës, që kishte projektuar shefen e tij të propagandës në krye të këtij institucioni. Sidoqoftë ai e sistemoi Desada Metajn në Autoritetin e Mediave Audiovizive, e cila me 99 vota për, 9 kundër dhe 1 abstenim prej sot ajo u bë anëtare e AMA, duke vazhduar rrugën e saj lartë e më lartë.
Pse i jep aq zor mbrojtjes së Lulzim Bashës dhe denigrimit të figurës së Sali Berishës, Preç Zogaj, i njohur me emrin e tij sigurimso-artistik, Çiftelia, u zbulua në seancën e sotme plenare. I biri, Besian Zogaj, propozim ky gjithashtu i Lulzim Bashës, u zgjodh me 101 vota për, 2 kundër dhe 5 abstenime si anëtar i AMA-s. Cilat janë meritat e tij, mos pyetni aq më shumë kushti për angazhim në mediat në 10 vitet e fundit. Babi nuk i ka ndenjur kot pranë, Lulzim mashtruesit i cili përveç partisë ka filluar të shkatërroj edhe institucionet tjera.
Anëtarë të tjerë të ama që u zgjodhën si pjesë e projektvendimin “Për zgjedhjen e gjashtë anëtarëve të Autoritetit të Mediave Audiovizive” janë: Joana Allushi e cila u zgjodh me 108 vota për, asnjë kundër dhe 3 abstenim; Aurela Bicja me 99 vota për, 1 kundër dhe 6 abstenim; Jetmir Halilaj me 101 vota për, 2 kundër dhe 5 abstenim; Dhe, Gjergji Hamiti i cili u zgjodh me 96 vota për, 2 kundër dhe 7 abstenime!
Një dakordësi e tillë Rama-Basha është për të marrur shembull por jo dhe kur është rasti te Sistemi i Drejtësisë ku vazhdojnë pazaret. Projektvendimi “Për miratimin e listës së dytë në bllok të kandidatëve të përzgjedhur për anëtarë të Këshillit të Lartë Gjyqësor nga trupa e pedagogëve të fakulteteve të drejtësisë dhe të Shkollës së Magjistraturës, sipas ligjit nr. 115/2016 “Për organet e qeverisjes së sistemit të drejtësisë”, i cili mori 80 vota për, asnjë kundër dhe 2 abstenim dhe projektvendimi “Për miratimin e listës së dytë në bllok të kandidatëve të përzgjedhur për anëtarë të Këshillit të Lartë të Prokurorisë nga trupa e pedagogëve të fakulteteve të drejtësisë dhe të Shkollës së Magjistraturës, sipas ligjit nr. 115/2016 “Për organet e qeverisjes së sistemit të drejtësisë”, i cili mori 75 vota për, 1 kundër dhe 5 abstenim.
Për shkak të mos arritjes së shumicës së kërkuar, të dyja listat në bllok nuk u miratuan dhe çështja iu rikthye nënkomisionit, për të miratuar listën e re, sipas procedurës së parashikuar në ligjin 115/2016 “Për organet e qeverisjes së sistemit të drejtësisë”, të ndryshuar”.
Gjithsesi, jeta vazhdon! Vdekje Popullit, liri bashkëqeverisjes Rama-Basha!
