Seancë plenare, bashkëqeverisja sajon replikë! Luan Baçi: Ju me zotin Basha…
Seanca e sotme plenare filloi me një debat ta pakuptimtë në mes të dy partive që bashkqeverisin, PS dhe asaj të Lulzim Bashës, ku Kryetari i Grupit Parlamentar të Bashës, Enkelejd Alibeaj kundërshtoi kërkesën e Kryetarit të Grupit Parlamentar të PS, Taulant Balla që të futen në rend dite edhe dy projektligje, ato për ushqimin dhe shërbimet veterinare.
Balla: Në mbledhjen e Konferencës së Kryetarëve kemi rënë dakord për përfshirjen në kalendar të dy pr.ligjeve, atë për ushqimin dhe shërbimet veterinare. Sipas rregullores, ato janë shqyrtuar në komisione. Kërkoj që këto dy pr.ligje të përfshihen në rendin e ditës së kësaj seance, për shkak të vlerës dhe rëndësisë së tyre. Komisionet e kanë përfunduar diskutimin mbi këto dy projektligje, kështu që mendoj t’i përfshijmë sot në rend dite.
Alibeaj: Është e mira që pas këtij propozimi të ketë dhe një tjetër. Bëtë gabim që e kaluat menjëherë në votim. Lëvizje të tilla të befasishme, futje të pr/ligjeve voluminoze, të rëndësishme, në orën 10:00, kur ka filluar seanca, nuk i bën nder seancës. Është e udhës që këto të shtyhen për seancën tjetër. Është normale, e logjikshme, që secili nga deputetët të dijë rendin e ditës. Si ta diskutojmë, kur ju e fusni sot në diskutim? Merrni masa të rregulloni këtë incident të vogël.
Balla: Ndryshimi i rendit të ditës është një procedurë e parashikuar në rregulloren e Kuvendit. I falënderoj deputetët, që në komisione kanë zhvilluar diskutime të gjerësishme dhe të gjithë kanë marrë pjesë. Arsyeja përse unë e kam kërkuar këtë lidhet me kohën dhe nevojën që këto dy pr.ligje të marrin rrugën për të hyrë në fuqi. Jo sot, por asnjëherë, qoftë unë, apo mazhoranca, nuk do të votojmë diçka në seancë që bie ndesh me rregulloren. Neni 31 thotë qartë që rendi i ditës mund të ndryshohet në nisje të seancës. Të jeni i sigurt z. Alibeaj që unë nuk do të vijë kurrë në Kuvend me një kërkesë që nuk është e parashikuar në rregullore. Mendoj që ne kemi kohën e nevojshme që këto dy pika të jenë në fund të rendit të ditës. Deputetët janë tepër të përgatitur për të zhvilluar diskutime në seancë.
Meqë ky “debat” nuk kishte kuptim ku bashkëqeverisja sajon replikë ndërkohë para Parlamentit të Shqipërisë zhvillohet protesta të cilën po e bojkoton opozita e Lulzim Bashës, fjalën e mori deputeti i PD, Luan Baçi, të cilit bashkëqeverisja Rama-Basha i mohoi edhe ulësen në parlament, për siç u tha me vendim të deputetit Basha.
“Te vendi ku doja të ulesha, gjeta një emër tjetër. Të paktën ju paradhënie, kur merrni një porosi nga një deputet i zakonshëm siç është zoti Basha, që mund t’ju sjellë shkresë pas shkrese për të ndërruar vendet e deputetëve si nxënësit në shkollë dhe ju jeni drejtoresha e shkollës, ku duhet të dënoni një nxënës duke e çuar në vendin e fundit. Përpara se të bëni veprime të tilla, ne duhet informohemi që mos të përballemi me situate të pazakonta,” tha deputeti Luan Baçi i cili nga kolegët e tij në shërbim të Kunatit iu tha se emrin e kishte në korridor:
“Dikush më tha që emrin e ke në korridor. Mendoj që këtë vendin këtu nuk ma keni caktuar as ju, as zoti Basha, unë jam deputeti më i votuar nga 6 deputetët e opozitës të qarkut të Fierit. Mua më përjashtojnë nga grupi parlamentar vetëm votuesit demokratë dhe jo ju me zotin Basha. Është mbyllur historia e mbajtjes peng të një personi që është peng I maxhorancës, është mbyllur në 11 dhjetor.”
Ndryshe, seanca e sotme plenare e Parlamentit të Shqipërisë ka këtë Rend të Ditës:
