Seancë plenare, Evgjeni Bashari kryetare e re e ILDKPKI

Me 100 vota për, Parlamenti i Shqipërisë ka votuar sot në seancë plenare Evgjeni Basharin si kryetare të re të ILDKPKI-së. Evgjeni Bashari, aktualisht është Sekretare e Përgjithshme e këtij Inspektorati, 

ILDKPKI, i ngritur 17 vite më parë si Inspektorat që bën kontrollin e pasurisë së të gjithë zyrtarëve të zgjedhur dhe të emëruar, vetëm pas Reformës në Drejtësi ka marrë kuptimin e një institucioni. Madje, sot ka një rol të rëndësishëm të kontrollit të pasurisë dhe konfliktit të interesit për të gjithë magjistratët që kalojnë në procesin e vettingut.

Në fund të kësaj seance plenare, Kryetari i Parlamentit, Gramoz Ruçi, i uroi deputetëve që të kalojnë festa të gëzuara ndërsa rikujtoi ata dhe qytetarët që të respektojnë protokollin Anticovid.

“Në 18 janar nis sesioni i ri parlamentar. Gëzuar, dhe mirupafshim duke ruajtur protokollin!”