Seancë plenare/ Veteranët e rremë të LNÇ sot ligjërohen në Parlament

Sot në seancën plenare të Parlamentit të Shqipërisë e cila fillon në orën 10:00 me 10 Pika të Rendit të Ditës, përfundimisht vuloset si falsifikimi ashtu dhe tallja me 56.000 veteranët e pretenduar të LNÇ në kuadër të Projektligjit për një shtesë në ligjin nr.7874, datë 17.11.1994, “Për statusin e veteranit të Luftës Antifashiste Nacionalçlirimtare të popullit shqiptar”, të ndryshuar, si Pikë e 8 e Rendit të Ditës do të ligjëroj mashtrimet e historianëve të kriminelit Enver Hoxha duke përmbyllur për momentin diskutimin mbi këtë çështje, dhe duke ju bërë barrë buxhetit të shtetit edhe me veteranë të rremë.

Ndërkohë si Pika 3. e Rendit të Ditës është parashikuar Projektrezoluta “Për mbështetjen e fillimit të bisedimeve për anëtarësimin e Republikës së Shqipërisë në Bashkimin Evropian” e cila më në fund nga një paçavure dje mori të paktën formën e Rezolutës.

Sot në seancë plenare pritet të votohet edhe Projektvendimi “Për zgjatjen e afatit të veprimtarisë së komisionit hetimor “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij lidhur me zhvillimin e zgjedhjeve për organet e qeverisjes vendore”, ngritur me vendimin e Kuvendit nr. 84/2019”, Komision i cili tashmë ka në dorë mendimin e Komisionit të Venecias dhe pret urdhërin e Edi Ramës.