Aksident i rëndë/ Trajleri godet autobusin, humb jetën 1 dhe plagosen 2 pasagjere

Një grua ka humbur jetën dhe dy të tjera kanë mbetur të plagosura në aksidentin e rëndë që ndodhi në aksin rrugor Librazhd-Qafë Thanë, në vendin e quajtur “kthesa e gomave”.

Një trajler me drejtues shtetasin A.H., banues në Durrës, thekson policia, si pasojë e lagështirës ka goditur autobusin me drejtues shtetasin Th.K., banues në Elbasan.

“Si pasojë e aksidentit shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe jashtë rrezikut për jetën, të cilët ishin pasagjerët në autobus”- njofton policia.

Informacion paraprak

Në aksin rrugor Librazhd- Qafë thanë, në vendin e quajtur “kthesa e gomave”, një mjet trajler me drejtues shtetasin A.H., banues në Durrës, si pasojë e lagështirës ka goditur autobusin me drejtues shtetasin Th.K., banues në Elbasan, si pasojë e aksidentit shtetasja R.H. 82 vjeçe ka ndërruar jetë, si dhe janë lënduar lehtë shtetaset D.M., 63 vjeçe dhe A.G., 44 vjeçe jashtë rrezikut për jetën, të cilët ishin pasagjerët në autobus.

Grupi hetimor ndodhet në vendngjarje dhe po punon për zbardhjen e shkakut të aksidentit.