Seancë plenare, zgjedhja e Presidentit të ri, Rama-Basha djegin raundin e parë

Parlamenti i Shqipërisë ende pa u mbledhur sot në orën 17:00 për raundin e parë të zgjedhjes së Presidentit të ri mëson se ajo u dogji nga dyshja kriminale Rama-Basha, ndonëse është dhe mundësi ligjore që e parashikon Kushtetuta.

Mëngjesin e sotëm në Komisionin e Ligjeve, i emëruari i Gazment Bardhit, përgjegjësinë e dështimit të këtij raundi e sheh tek mazhoranca duke theksuar që grupi i deputetëve që Edi Rama i lejon ti përfaqësoj i ka bërë të qarta qëndrimet e tyre.

“Është e qartë që në këtë raund të parë nuk do të ketë kandidaturë. Këto mbledhje nuk janë rutinë, për të parë vetëm letrat. Është pjesë e një procesi, sa institucional aq edhe politik. Komisioni i Ligjeve luan rolin e saj. Përfitoj t’ju bëj me dije se cili është qëndrimi politik i PD. Nga ana jonë është bërë me dije që ky proces duhet të përmbushë dhe plotësojë disa kritere, për t’i dhënë shqiptarëve njeriun e tyre, kryetarin e shtetit. Për të dalë nga tradita jo gjithmonë e shëndetshme në përzgjedhjen e presidentit, përpara se të arrihet në një produkt të tillë ne kemi disa detyrime. Duhet të krijojmë një proces në sy të parlamentit. Do të duhet që mes palëve politike të jenë disa qëndrime që me realitet të krijohen në thelb. Qëndrimi ynë është bërë i ditur. Kushtetuta e Republikës përcakton që ky proces të zhvillohet në bazë institucionale.

84 vota përcaktojnë që opozita të ketë rol substancial. Mazhoranca si ka numrat dhe legjitimitetin për të vazhduar në mënyrë të njëanshme në përzgjedhjen e presidentit. Ne presim qëndrim nga mazhoranca. Jeni ju për zgjedhjen e presidentit sipas frymës së Kushtetutës? Ky dështim i këtij raundi të parë, nuk do të doja të bëja provokim, por qëndron mbi supet tuaja. Ju duhet të mbani një qëndrim. Përgjërimet e bëra nga përfaqësuesit më të lartë tuaja duken që kanë qenë farsë. Ne jemi gjithmonë në pritje të qëndrimit tuaj, për të parë se çfarë produkti do të dalë,” tha Enkelejd Alibeaj deri sa Kryetarja e Komisionit të Ligjeve përsëriti refrenin se procesi kërkon gjithëpërfshirje.

“Ky është proces që kërkon gjithëpërfshirje. Askush nuk mund të bllokojë një proces parlamentar. Unë jam në dijeni, si pjesë e konferencës së kryetarëve që u është bërë thirrje për të marrë pjesë në seancat. Nuk e di në ç’fazë jeni me diskutimet. Logjika është që ne si komision përveç qëllimit për t’i dhënë qëndrim të saktë kandidaturave. Dy detyra na jep kushtetuta është vlerësimi i kritereve, që kërkon që kandidati për President të jetë shtetas shqiptar nga lindja. Dy kritere janë të rëndësishëm e duhet të vlerësohen nga ne. E para ka të bëjë me rishikimin e pastërtisë të së kaluarës. Duhet të ketë integritet në përputhje me kriteret e parashikuara dhe duhet të jetë subjekt që nuk ndalohet për kandidim si ligj i dekriminalizimit. Ftoj palët të jenë më të përfshira, jo të jenë duke dhënë mend apo këshilla. Gjithsecili ta nisë nga vetja.”

Ndryshe, sipas Nenit 87 Pika 2. votimi quhet i kryer edhe kur në konkurrim nuk paraqitet asnjë kandidat. Në votimin e dytë, të tretë dhe të katërt mund të paraqiten kandidatë të rinj, sipas kushteve të pikës 1 të këtij Neni: “Kandidati për President i propozohet Kuvendit nga një grup prej jo më pak se
20 deputetësh. Një deputet nuk lejohet të propozojë në të njëjtën kohë më shumë se
një kandidat.”

Meqë Edi Rama dhe Lulzim Basha kanë krijuar idenë se po luajnë me këtë popull, atëherë duhet ta dinë se këtë nuk e bëjnë dot më sepse Pika 3. e po këtij Neni 87 e thotë qartë, dhe loja ka një fund që nuk varet nga kjo dyshe kriminale:

“Presidenti zgjidhet në votimin e parë, të dytë ose të tretë kur një kandidat merr jo më pak se tri të pestat e votave të të gjithë anëtarëve të Kuvendit. Në votimin e katërt dhe të pestë zgjidhet President kandidati që siguron më shumë se gjysmën e votave të të gjithë anëtarëve të Kuvendit.”