Sejmenët e Lleshajt nxitojnë ta përgënjeshtrojnë vdekjen e truprojes së Ramës, dhe vazhdojnë e gënjejnë për Suela Mustën!
Kjo nuk është Ministri e Brendshme por ministri kriminale dhe ajo që ata e quajnë përgënjeshtrim ndaj një denoncimi të Ish-Presidentit Sali Berisha është fletërrufe me insinuata idiote që nuk e ka bërë asnjë parti politike deri më sot, madje as partia kriminale që administron këtë ministri, Partia Socialiste. Nuk mjaftohen me një përgënjeshtrim duke theksuar se truprojat janë shëndosh e mirë por japin leksione se si bëhet lajmi dhe vetëm brenda 2 orëve gënjejnë për arrestimin e një gazetareje, arrestim ky i kryer në kuadër të aksionet në Familjen kriminale që vepron me ndihmën e pushtetit, Çapja.
Po çfarë ka bërë anëtarja e AMA-s, Suela Musta?! Mëkati i vetëm i Suelës është se është anëtare e AMA-s, këtij institucioni kriminal jo me fajin e Suelës, që më mirë bënë të shkrihet se sa të hetohet. Ç’faj në këtë mes anëtarja e arrestuar e AMA-s, gazetarja Suela Musta. Sejmenët e Ish-Gjeneral Samndër Lleshajt nuk dinë ta thonë por vetëm të gënjejnë. Brenda 2 orëve japin dy arsyetime të ndryshme, duke e ditur se nuk ka kush që ta përgënjeshtroj këtë bandë kriminale që në emër të të rendit dhe qetësisë publike i vënë pranga kujt t’ia don qejfi; Pra, arreston një gazetare fillimisht për dhënie të paligjshme të liçencës së një televizioni kabllor, familjes Çapja, dhe kur e kuptuan se një anëtar i AMA nuk jep dot liçencë e ndryshuan akuzën për heqjen e një gjobe!
Për të kuptuar se pse krimi sundon në Shqipëri, pse Ministria e Brendshme pas ardhjes në pushtet të Ish-Gjeneral Sandër Lleshajt lejon që një trafikant drogë dhe organizuator i një grupi të strukturuar kriminal, Saimir Tahiri, rrin në shtëpi dhe gazetarja Suela Musta për korrupsion arrestohet me forcat RENEA në 6 mëngjesit, dhe pse kjo Ministri nuk e bënë një përgënjeshtrim normal ndaj denoncimit të Ish-Presidentit Sali Berisha por shkruan fletërrufe, lexoni reagimin e kësaj ministrie kriminale që është për psikologun dhe në asnjë mënyrë nuk mund të quhet përgënjeshtrim:
Reagim i Ministrisë së Brendshme:
Ministria e Brendshme nuk angazhohet në përgënjeshtrimin publik të insinuatave apo lajmeve të rreme që publikohen nëpër rrjetet sociale.
Por kur media të caktuara, që pretendojnë seriozitet dhe përgjegjshmëri publike, bëhen zëdhënës të tyre, Ministria e Brendshme e quan me dobi publike reagimin.
MB hedh poshtë me neveri insinuatën e turpshme të publikuar sot në disa media për kinse humbje jete apo plagosje të truprojeve të Kryeministrit gjatë provokimeve nga disa protestues të Partisë Demokratike në Librazhd, më datë 13.06.2019.
Nuk ka pasur kurrfarë problemi për jetën dhe shëndetin e truprojeve të Kryeministrit gjatë veprimtarisë së zhvilluar në Librazhd, apo në qarqet e tjera të vendit gjatë këtyre ditëve.
Ministria e Brendshme fton median e përgjegjshme dhe opinionin publik që të jenë shumë të kujdesshëm me insinuata të kësaj natyre haluçinante, të cilat kanë shpesh herë të njëjtin burim dezinformimi dhe që synojnë vetëm një gjë: krijimin e një klime pasigurie dhe paqartësie në vend.
MB i kujton opinionit publik se nga i njëjti burim, që ka publikuar së pari insinuatën e sotme, vetëm përpara pak ditësh, u përhapën trillime monstruoze që synonin të kompromentonin Policinë e Shtetit dhe t’i ngarkonin asaj paturpësisht përgjegjësinë për goditjen e dy protestuesve gjatë protestës së datës 2 qershor 2019, të cilat, siç u provua botërisht, kishin ardhur nga protestues të tjerë.
MB fton mediat që kanë publikuar këtë insinuatë kaq flagrante dhe në shpërfillje të plotë të parimeve profesionale të gazetarisë që të distancohen nga praktika të tilla, që të përgënjeshtrojnë njoftimin e dhënë dhe të marrin masa që në të ardhmen të mos ndodhin më raste të ngjashme dezinformimi.
