Ndërron jetë gazetari Lekë Zherka

Sot në moshën 56 vjeçare, ka ndërruar jetë Lekë Zherka, gazetar dhe drejtues i shumë mediave lokale në Kosovë.

Lekë Zherka karrierën e ka filluar në Radio Televizionin e Prishtinës, RTP, në vitin 1985. Pas luftës ai ishte drejtor i Radio Kosovës, pastaj drejtor shumëvjeçar në KTV, ndërkaq karrierën e tij profesionale deri në ditët e sotme e vazhdoi në RTV21.

Me rastin e vdekjes të Lekë Zherkës nesër nga ora 11:00 do të mbahet mbledhje komemorative në Sheshin 21, në RTV 21.

Ndërsa, varrimi i të ndjerit do të bëhet nesër në varrezat e qytetit në Prishtinë, në orën 13:00.