Sekuestrohen 112 kg kanabis, arrestohet 36 vjeçari shqiptar/ Detajet

Rreth 112 kg kanabis sativa u sekuestruan nga anti-droga e Janinës, në vendin e quajtur “Metamorfosi” në aksin që lidh Janinën me Kozanin.

Mediat greke raportojnë se lënda narkotike ndodhej në një automjet me targa greke që drejtohej nga një 36-vjeçar shqiptar, emri i të cilit nuk bëhet publik.

Policia deklaroi se 36-vjeçari ishte transportuesi i lëndës narkotike, e cila do t’i dorëzohej në Athinë, një tjetër shtetasi shqiptar i shpallur në kërkim.

Në cilësinë e provës materiale u sekuestrua automjeti i përdorur për transportin e lëndës narkotike, dy aparate celulare si dhe 300 euro.

36-vjeçari u dërgua në gjykatë, e cila vendosi ta lërë në burg deri në përfundim të hetimeve.